Өлүөхүмэҕэ Иван Кульбертиновка аналлаах тэрээһиннэр саҕаланнылар

Ааптар: 
Бөлөххө киир:

Өлүөхүмэлэр Аҕа дойду Улуу сэриитин кыттыылааҕа, бэргэн ытааччы Иван Николаевич Кульбертинов төрөөбүтэ 100 сылыгар аналлаах “Вахта памяти” диэн тэрээһини ыыттылар.

Людмила ПОПОВА, “Саха сирэ” хаһыат, edersaas.ru

Санатан эттэххэ, биллиилээх снайпер Иван Николаевич Кульбертинов аны күһүн, сэтинньи 7 күнүгэр төрөөбүтэ 100 сылын туолар. Онон сибээстэн, Кыайыы күнүн чэрчитинэн, киниэхэ аналлаах тэрээһиннэр саҕаланнылар. Ол курдук, бу күннэргэ “Вахта памяти” диэн Солянка сэлиэнньэтиттэн I Нөөрүктээйи нэһилиэгэр диэри массыынанан айаны тэрийдилэр. Арҕаа эргин сытар Солянка сэлиэнньэтиттэн саҕалаан, Өлүөхүмэ куорат, Үҥкүр, Улахан-Муҥку, Өлүөхүмэ, Кээччи, I Абаҕа, II Нөөрүктээйи, II Нөөрүктээйи нэһилиэктэрин пааматынньыктарыгар үөрүүлээх миитини тэрийдилэр.

Улуустааҕы култуура управлениетын начаалынньыга Анна Кубряк: “Биир дойдулаахпыт Иван Кульбертинов аатын үйэтитэр тэрээһин буолар. Сүрүн холуоннаҕа 6 массыына сыһыарыллыбыта. “Рассомаха” автоклуб холуоннабытын суол аҥаарыгар диэри арыаллаабыта. Ону таһынан баҕалаах дьон эмиэ кыттыспыта. “Альфа” байыаннай-патриотическай кулууп 10 киһитэ холбоспута. Кинилэр туспа рекорду оҥордулар диэххэ сөп – биир күн устата 9 миитини тэрийдилэр. “Альтаир” этэрээт патриотическай ырыалара көрөөччүлэр куттарын тутта. Хас нэһилиэк аайы бэтэрээннэр, оскуола үөрэнээччилэрэ, уопсастыбаннас муһунна. Ордук Солянка, Үҥкүр, Өлүөхүмэ, I Нөөрүктээйи көхтөөхтөрүн көрдөрдүлэр. Абаҕа сэлиэнньэтигэр И.Н.Кульбертинов кыыһа Ия Ивановна Малышева тыл этиитэ барыбытын даҕаны долгутта. Улахан Муҥку уонна II Нөөрүктээйи олохтоохторо кыралыын-улаханныын бары кэриэтэ байыаннай таҥастаах кэлбиттэрэ көрөргө олус үчүгэй. Улахан муҥкулар, I нөөрүктээйилэр бүтүн холуонна дьонун аһаттылар.”, — диэн санаатын үллэһиннэ.

Автопробег Алена Николаевна Колмыгина көҕүлээһининэн, Өлүөхүмэ улууһун дьаһалтатын, ыччатын, “Гармония” култуура киинин тэрийиитинэн ааста.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0