Өлүөхүмэ улууһун Чайдаах учаастагын бэрэбиэркэлии иниспиэктэрдэр бардылар

Бөлөххө киир:

Иллэрээ күннээҕитэ сайтпытыгар Өлүөхүмэ улууһун экологическай хайысхалаах «Сомоҕо күүс» уопсастыбаннай тэрилтэ актыбыыстара Чайдаах диэн сиргэ тиийэн, промышленнай тобохтор хомуллубакка сыталларын хаартыскаҕа түһэрэн, социальнай ситимҥэ тарҕаппыттарын туһунан суруйбуппут. edersaas.ru

СӨ айылҕа харыстабылын миниистирэ Сахамин Афанасьев «Бүгүн Өлүөхүмэтээҕи айылҕа харыстабылын кэмитиэтин иниспиэктэрдэрэ Чайдаах учаастагын хонтуруоллуу, бэрэбиэркэлии бардылар. Онон сотору туга-ханныга чуолкай биллиэҕэ», – диэтэ.

Манна даҕатан эттэххэ

2016 сыл муус устар 26 күнүгэр Өлүөхүмэтээҕи айылҕа харыстабылын кэмитиэтин иниспиэктэрдэрэ С.А.Суханов, В.А. Филиппов уонна I Нөөрүктээйи нэһилиэгин баһылыга А.Н. Сольжиграсов буолан, «ТНГ-СЕРВИС» ХЭУо Чайдаах диэн учаастакка промышленнай үлэни ыыппытын бэрэбиэркэлээбиттэрэ. Онно айылҕаны киртитии таһаарыллыбыта биллибитэ. Көҥүлэ суох сиргэ оҥорон таһаарыыга туһаныллыбыт тобохтору быраҕар сыбаарка үөскээбитэ быһаарыллыбыта. Итинэн сиэттэрэн, тута «ТНГ-СЕРВИС» ХЭУо генеральнай дириэктэрин быстах кэмҥэ эбээһинэһин толорооччу А.В. Пудовка промышленнай тобохтору хомуйар аах оҥоһуллубута. Ити кэнниттэн 2016 сыл балаҕан ыйыгар хаттаан тахсан бэрэбиэркэлээбиттэрэ. Ол түмүгэр «ТНГ-Сервис» генеральнай дириэктэрэ А.В.Пудов административнай эппиэтинэскэ тардыллан, 20 тыһ.солк ыстырааптаммыт уонна баар сыыһаны туоратарга дьаһал ылыллыбыта.

+1
0
+1
0
+1
0
+1
0
+1
0
+1
0
+1
0