Өлүөхүмэлэр 4G-интэриниэттэрэ өссө түргэтээн, олохтоохтор хаачыстыбалаах сибээһинэн хааччылыннылар. Ол курдук «МегаФон» хампаанньа Өлүөхүмэ куоратыгар баар станцияларын саҥардан, 3G/4G интэриниэккэ холбоннулар.
Анивера Акимова, «Саха сирэ» хаһыат, https://edersaas.ru/
«МегаФон» өрөспүүбүлүкэҕэ мобильнай сибээс хаачыстыбатын тупсарыыга, үлэтин ыырын кэҥэтиигэ бары күүһүн уурар. Онон тоҕус тыһыынчаттан тахса нэһилиэнньэлээх Өлүөхүмэ куоратын олохтоохторо түргэн сырыылаах мобильнай интэриниэтинэн туһанар кыахтаннылар. Билигин сибээс сөкүүндэҕэ 30 Мбит түргэтээн турар. Онон киинэни, муусуканы онлайн-режиминэн көрүөххэ, истиэххэ сөп.
Хампаанньа Саха сиринээҕи салаатын дириэктэрэ Александр Костерин иһитиннэрбитинэн, 4G+/LTE мобильнай интэриниэтинэн билигин Дьокуускай, Нерюнгри, Покровскай, Мирнэй, Ленскэй, Өлүөхүмэ уонна Нам олохтоохторо туһаналлар. Манна уопсайа 450 000 кэриҥэ киһи олорор.
Анивера Акимова, «Саха сирэ» хаһыат, https://edersaas.ru/