Харчыларын өлүүлэһэн тутууга укпут эрээри, дьиэлэрэ сылы сыллаан ситэри тутуллубакка, албыҥҥа киирэн биэрбит нэһилиэнньэ интэриэһин көмүскүүргэ тутуу уонна дьиэ-уот кэпэрэтииптэрэ тэриллэн, тутууну бүтэрэргэ судаарыстыба субсидия харчытын көрдө.
edersaas.ru
«Уопсайа күн бүгүн 9 кыһалҕаҕа ыктарбыт эбийиэктэри бүтэрэр сыал-сорук турар. 2018 с. «Макрос» ХЭТ дьиэтэ тутуллан бүтүөхтээх. Тутуллан бүтэллэрэ чугаһаабыт эбийиэктэр моҥкуруут быһыытынан биллэриллиэхтэрэ. Оттон бүтэрэ ыраах тутууну ылсар тэрилтэҕэ босхо сир учаастага бэриллиэҕэ. Оччотугар күрэстэһиигэ кыттан, учаастак атыылаһыахтаах харчытын кини өлүүлэһэн тутууга киирэн, албыннаппыт дьону өйүүргэ 30 мөл. солк. ыытыахтаах, эбэтэр туппут дьиэтигэр ол дьоҥҥо кыбартыыра биэриэхтээх», — диэн СӨ тутууга уонна архитектураҕа миниистирэ Вера Кузакова иһитиннэрдэ.
Марианна Тыртыкова, «Саха сирэ», edersaas.ru