Уу ресурсаларын федеральнай агентствотын Өлүөнэ сүнньүнээҕи ууга управлениетын пресс-сулууспата иһитиннэрбитинэн, Өлүөнэ мууһа икки учаастагынан устар.
Анивера Акимова, «Саха сирэ» хаһыат,https://edersaas.ru
Ол курдук, муус алын кырыыта Крестовскайы ааһан Ленскэйгэ арыый да чугаһаан эрэр. Үөһээ өттө Пеледуй оройуонугар баар. Оттон иккис учаастак алын кырыыта Хоро аттынан ааһар. Көмүөл 40 килэмиэтирдээх сиринэн тайаан уста сытар.
Өлүөхүмэнэн муус, ханна да ыксаабаттыы, бытааннык барар. Уу таһыма 317 см. Суукка иһигэр 109 см эбиллибит. Солянканан өрүс уутун таһыма 635 см тэҥнэстэ.
Ленскэй — Ньүүйэ хайысхатынан муус ыам ыйын 14 — 15 күннэригэр устар чинчилээҕин бэлиэтииллэр.
Алдан өрүс эмиэ икки учаастагынан устар.
Бүлүү өрүс Ньурба — Үөһээ Бүлүү хайысхатынан бүгүн-сарсын хамсыыр туруктаах.
Анивера Акимова, «Саха сирэ» хаһыат,https://edersaas.ru