close
podpiska

Өлүөнэ очуостарыгар «Азия оҕолоро» оонньуулар уоттара уматыллыаҕа...
Дьулуур - Олох-дьаһах

Өлүөнэ очуостарыгар «Азия оҕолоро» оонньуулар уоттара уматыллыаҕа

Кыһыҥҥы спорт көрүҥнэригэр норуоттар икки ардыларынааҕы «Азия оҕолоро» оонньуулар кэлэр сыл олунньу 9-16 күннэригэр ыытыллыахтара. 2016 сыллаахха ол саҕанааҕы Саха Өрөспүүбүлүкэтин Ил Дархана Егор Борисов көҕүлээһининэн, бастакы кыһыҥҥы спорт көрүҥнэригэр норуоттар икки ардыларынааҕы «Азия оҕолоро» оонньуулар 2019 сылга Сахалин уобалаһыгар ыытыллаллара бигэргэтиллибитэ. Оонньуу уота «Өлүөнэ очуостара» национальнай пааркаҕа уматыллан, Сахалиҥҥа айанныаҕа. 

Сахалин уобалаһын Южно-Сахалинск куората оонньуулар ыытыллалларыгар туох баар ирдэбилгэ барытыгар эппиэттиир. Сахалин кыһына хаардаах, сылаас, спорт эбийиэктэригэр тиийэр суола үчүгэй туруктаах. Норуоттар икки ардыларынааҕы «Азия оҕолоро» оонньуулар уоттара ахсынньы 22 күнүгэр «Өлүөнэ очуостара» национальнай пааркаҕа уматыллыаҕа. Сарсыҥҥытыгар, Орджоникидзе болуоссатыттан «Эллэй Боотур» спорт комплексыгар диэри уот эстафетата ыытыллыаҕа. «Азия оҕолоро» оонньуулар уотттара «Эллэй Боотур» мусуойугар ахсынньы 31 күнүгэр диэри туруоҕа. Онтон, ахсынньы 31 күнүгэр Сахалиҥҥа айанныаҕа.  Сахалин уобалаһын оройуоннарыгар барытыгар сылдьан, олунньу 9 күнүгэр, күрэхтэһии арыллыытыгар өрөгөйдөөхтүк стадиоҥҥа киириэҕэ.

Николай Попов, «Саха сирэ» хаһыат, edersaas.ru

#бүгүн: 2
0
0

Сайт матырыйаалларын ааптар көҥүлэ суох ылар бобуллар.