close
podpiska

«Өлүөнэ очуостарыгар» бастакы сыбаайба!
Олох-дьаһах - ЭС - маны аах

«Өлүөнэ очуостарыгар» бастакы сыбаайба!

Бу күннэргэ «Өлүөнэ очуостара» национальнай пааркаҕа Сандаара уонна Александр Чемезовтар сүрэхтэрин холбуур дьоро түгэннэрэ буолла.

edersaas.ru

«Хаҥалас Тумулугар олорор  аймахтарбыт, Өлүөнэ кытылыгар сыбаайбаҕытын тэрийиҥ диэн этии киллэрбиттэрэ. Арааһа, пааркаҕа сыбаайба тэрийэр кыаллыбата буолуо дии санаабыппыт. Ол эрээри, киһи кыһалыннаҕына, тугу барытын ситиһэр. Онон, бу күн биһиги олохпутугар саамай ураты күнүнэн буолла. Түгэнинэн туһанан, уруубутун тэрийэрбитигэр көмөлөспүт паарка кэлэктиибигэр, чугас дьоммутугар, табаарыстарбытыгар махталбытын тириэрдиэ этибит», – диир Сандаара.

Чемезовтар Дьокуускай куоракка олороллор. Сандаара «Саха чай» хампаанньаҕа үлэлиир, оттон Александр — физкултуура учуутала.


Онон, 40 киһилээх дьоҕус сыбаайба «Өлүөнэ очуостара» национальнай паарка историятыгар киирэр тэрээһининэн буолла. Бу туһунан Экология министиэристибэтэ иһитиннэрдэ.

Биһ. корр., edersaas.ru

#бүгүн: 1
2
0

Сайт матырыйаалларын ааптар көҥүлэ суох ылар бобуллар.