Сыл ахсын кыһыҥҥы суол аһыллыар диэри, Өлүөнэ өрүскэ паром «Өлүөнэтээҕи холбоһуктаах пароходство» ледокола арыаллаах үлэлиир.
edersaas.ru
Өлүөнэ өрүскэ судоходнай балаһыанньа кытаатан, сэтинньи 5 күнүттэн паром сырыыта тохтоон, бүгүҥҥүттэн паром ледокол арыаллаах сырыыта саҕаланна. «Өлүөнэтээҕи холбоһуктаах пароходство» пресс-сулууспата иһитиннэрбитинэн, Павел Адаменко хапытааннаах «Капитан Бородкин» ледокол арыаллаах «ОТ-2131» буксир Жатайтан Төхтүргэ диэри сылдьан эрэр.
Тарыып туһунан этэр буоллахха, «Москвич», «Жигули», «Нива» уонна да атын массыыналарга сыана 3900 солк., «Волга» уо.д.а. 6000 солк., «УАЗ» легковой уо.д.а. массыыналарга — 6600 солк., «УАЗ» (таһаҕаһы тиэйэр), «Джип» 8 400 – 10300 солк., 40 т үөһээ ыйааһыннаах бульдозердарга 72 600 солк. быһылынна.
Сиһилии иһитиннэриини 8 (4112) 42-12-53, 8-914-104-29-71 нүөмэрдэргэ эрийэн билсиэххитин сөп.
Анивера АКИМОВА, edersaas.ru