close
Ленскэй урукку баһылыга Сергей Высоких хаайыыттан босхолонно...
· - Бэрээдэк - Олох-дьаһах

Ленскэй урукку баһылыга Сергей Высоких хаайыыттан босхолонно

Сайтпытыгар 2017 сыл бэс ыйын 19 күнүгэр «Үрдүкү суут Сергей Высоких бириигэбэрин уларытта» диэн иһитиннэриим бэчээттэммитэ. Онно СӨ Үрдүкү суута Сергей Высоких албакаатын апелляционнай үҥсүүтүн көрбүтүн туһунан суруйбутум.

edersaas.ru


Санатар буоллахха, Сергей Высокихха холуобунай дьыала 2014 сыл сэтинньи ыйыгар тэриллибитэ. РФ Холуобунай кодексатын 159-с ыст. 4-с чааһынан, ол эбэтэр, сулууспа балаһыанньатынан туһанан, атын дьон ураты бөдөҥ кээмэйдээх үбүн-малын хорон сиэһиҥҥэ түөкүннээһин бэлиэтэ баарынан.

Силиэстийэ бара турар кэмигэр Высоких дуоһунаһыттан босхоломмута. Хааччахтыыр миэрэ быһыытынан, киниэхэ дьиэтээҕи хаайыы туттуллубута.

Бастакы суут быһаарбытынан, 2013 сыл ахсынньытыгар баһылык Высоких көҕүлээһининэн, чааһынай дьонтон (ол иһигэр, кини сокуоннай ойоҕуттан) оҕо саадыгар диэн, федеральнай бүддьүөттэн 56 мөл. солк. суумалаах дьиэ атыылаһыллыбыт. Ити харчыттан 28 мөл. солк. Высоких ойоҕун счетугар ыытыллыбыт.

Ити дьыала тэриллиэ түөрт сыл иннинэ, муниципальнай тэриллии ити дьиэни  бастаан биир киһиэхэ атыылаабыт, онтон 1 мөл. солк. суумаҕа  бэйэтэ билэр дьонун кытта атыыласпыт.

Ону ааһан, бу дьиэ бары өттүнэн хайдах даҕаны оҕо саада буолар кыаҕа суоҕа силиэстийэ кэмигэр биллибитэ. Үлэһиттэрэ киниэхэ ону этэ-быһаара сатаабыттарын, Высоких аанньа ахтыбатах.

Ленскэй оройуоннааҕы суут уурааҕынан, сууттанааччы Сергей Высоких буруйдааҕынан билиниллэн, 3 сылга уопсай эрэсиимнээх холуонньаҕа көҥүлэ быһыллыбыта, манна эбии 300 тыһ. солк. суумалаах ыстараап төлүүргэ ууруллубута.

Онтон 2017 сыл бэс ыйын 19 күнүгэр СӨ Үрдүкү суута Сергей Высоких албакаатын апелляционнай үҥсүүтүн көрбүтэ. Албакаат, Высоких ончу буруйа суох, онон киниэхэ быыһыыр бириигэбэр тахсыахтаах диэн туруорсубута.

Үрдүкү суут холуобунай дьыаланы уонна албакаат үҥсүүтүн үөрэтэн-көрөн, өрүттэр санааларын истэн баран, Ленскэй оройуоннааҕы федеральнай суутун бириигэбэрин уларытарга уонна сымнатарга быһаарбыта.

Итиэннэ ол сымнатан, уларытан, сууттанааччы Сергей Высокиҕы 2 сыл 10 ыйга көҥүлүн быһарга уонна 270 тыһ. солк. суумалаах ыстараап төлүүргэ уурбута.

Оттон бүгүн, 2018 сыл тохсунньу 10 күнүгэр, «Вести.ру» (vesti14.ru) иһитиннэрбитинэн, Сергей Высоких болдьоҕун иннинэ босхоломмут (УДО-нан). Дьиҥэр, босхолонор сайабылыанньата Дьокуускай куорат федеральнай суутугар 2017 сыл ахсынньы 27 күнүгэр көрүллүбүт эбит эрээри, ол туһунан ханнык да официальнай иһитиннэрии суоҕа.

Быһааран эттэххэ, сууттаммыт киһи болдьоҕун үс гыммыттан иккитин боруостаабыт буоллаҕына (барыллааһын силиэстийэ кэмигэр хаайыллыбытын ааҕан туран), эрдэ босхолонон тахсар туһунан хадатаайыстыба түһэрэр бырааптаах. Суут ону биитэр өйүүр, биитэр өйөөбөт.

Вера МАКАРОВА, «Саха сирэ» хаһыат, edersaas.ru

Хаартыска: интэриниэттэн.

 

#бүгүн: 1
1
1

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

4 × 2 =

INSTAGRAM ЛИЭНТЭТЭ

Instagram батыһан бар