Литературовед, критик Дора Васильева төрөөбүтэ 80 сыла

Ааптар: 
Бөлөххө киир:

Литературовед, критик, тыл үөрэҕин билимин доктора, СӨ, РФ култууратын үтүөлээх үлэһитэ, Казахстан «Алаш» литературнай бириэмийэтин лауреата, 1990 сылтан Арассыыйа Суруйааччыларын Сойууһун чилиэнэ, РНА Сибиирдээҕи салаатын үтүөлээх бэтэрээнэ Дора Егоровна Васильева бүгүн төрөөбүтэ 80 сыла.

Д. Е. Васильева чинчийиилэрин сүрүн хайысхата — аныгы саха прозатын, оҕо уонна эдэр ыччат литератураларын сайдыыларын кыһалҕалара. Сүрүн үлэлэрэ саха прозата сайдыытын историятыгар, биллиилээх саха суруйааччылара Н.Г.Золотарев-Якутскай, Софрон Данилов, В.С.Яковлев-Далан, В.С.Соловьев-Болот Боотур, Н.А.Лугинов уо.д.а. айар үлэлэрин дириҥник чинчийиигэ анаммыттар.

Сүрүн үлэлэриттэн кылгастык билиһиннэрдэххэ:

«Время и судьбы» (монография, Дьокуускай, 1978).

«Дорогой борьбы и труда: очерк о современной якутской прозе»» (монография, Дьокуускай, 1984).

«Проза Софрона Данилова» (монография, Дьокуускай,1990).

«Народные писатели Якутии» (Дьокуускай, 1995).

«Незабываемые имена» (Дьокуускай, 2000).

«Далан (жизнь и творчество)» (монография, Дьокуускай, 1998, 2003).

«А.Е.Кулаковский и время» ( 2003, соавторство, Москва).

«Редчайший, многогранный талант: воспоминание о народном артисте Г.Г.Колесове» (Дьокуускай, 2004).

«Озаренная светлыми мыслями: воспоминания о фольклористе и литературоведе С.П.Ойунской».

«Творцы доброго и прекрасного» (Дьокуускай, 2007).

«Жизнь, посвященная народу» (Дьокуускай, 2007).

Олоҕун кэрчиктэрэ

1938 сыллаахха ахсынньы 12 күнүгэр Бүлүүгэ төрөөбүт.

1962 с. — Иркутскайга педагогическай институту бүтэрбит.

1962—1966 сс. — Дьокуускайдааҕы речной училищеҕа, Покровскай орто оскуолатыгар английскай тылы үөрэтэр.

1966—1968 сс. — Саха телевидениетыгар редактор.

1968—1971 сс. — ССРС НА СС Дьокуускайдааҕы филиалын аспирана.

1971—1981 сс. — младшай научнай сотрудник.

1973 с. — «Творчество Н. Г. Золотарева-Якутского» тиэмэҕэ кандидатскай диссертациятын ситиһиилээхтик көмүскүүр.

1985—1996 сс. — старшай научнай сотрудник.

1995 с. — «Национальное и общечеловеческое в якутской литературе» диэн тиэмэҕэ докторскай диссертациятын көмүскээбит.

1997—1999 сс. — сүрүн научнай сотрудник.

2000—2008 сс. — кылаабынай научнай сотрудник.

2008 сыллаахтан старшай научнай сотруднигынан үлэлээбитэ.

+1
0
+1
0
+1
0
+1
0
+1
0
+1
0
+1
0