Мөлүйүөнүнэн харчыны, көмүс оҥоһуктары уорбут бөлөҕү туттулар (ВИДЕО)

Ааптар: 
Бөлөххө киир:

Олунньу 11 күнүгэр Нерюнгри полициятыгар биир кыбартыыраттан улахан уоруу тахсыбытын туһунан тыллабыр киирбит. 

edersaas.ru

Уоруйахтар Нерюнгри куорат Дружба народов уулуссатыгар турар дьиэ иккис этээһигэр баар кыбартыыра стеклопакет түннүгү алдьатан киирбиттэр. Ол киирэн, 2 мөл. солк. харчыны уонна уопсайа 1 мөл. солк. сыаналаах көмүс киэргэллэри, түүлээх таҥаһы, атын да малы ылан тахсыбыттар.

СӨ ИДьМ-тын пресс-сулууспата иһитиннэрбитинэн, суһал-ирдиир тэрээһиннэр кэмнэригэр ИДьМ холуобунай ирдэбилгэ управлениетын оперативниктарыгар иһитиннэрии киирбит — бу уорууга урут сууттана сылдьыбыт түөрт киһи сыһыаннааҕын туһунан. Ону таһынан, уорбаланааччылар Нерюнгриттан ханнык массыынанан барбыттарын туһунан эмиэ.

Оперативниктар кинилэр айаннарын кэтээн, барытын чуолкайдык былааннаан, үс күн буолан баран, Росгвардия полицейскайдарын көмөтүнэн, бу 31-тэн 37-гэр диэри саастаах түөрт уорбаланааччыны төрдүөннэрин туппуттар.

Бу чахчынан РФ Холуобунай кодексатын 158-с ыст. 4-с чааһынан, ол эбэтэр, ураты бөдөҥ кээмэйдээх уоруу бэлиэтэ баарынан, холуобунай дьыала тэрилиннэ.

Биһиги корр., «Саха сирэ» хаһыат, edersaas.ru

Видео: СӨ ИДьМ-тын пресс-сулууспата. 

+1
0
+1
0
+1
0
+1
0
+1
0
+1
0
+1
0