Бу күннэргэ Владивосток куоракка Уһук Илиҥҥи федеральнай университет ректорын бирииһигэр көҥүл, греко-римскэй (классическай) тустууга XVIII Бүттүүн Арассыыйатааҕы турнир буолла. Манна Уһук Илиҥҥи, Сибиирдээҕи, Ураллааҕы, Соҕурууҥҥу уокуруктар 14 регионнарыттан 250 бөҕөс мустан 21 кэмпилиэк мэтээл иһин күөн көрүстэ.
Роман ПОПОВ, “Саха сирэ” хаһыат, edersaas.ru
Бу үгэс быһыытынан сыллата ыытыллар маастар нуормалаах түһүлгэҕэ Иван Ефремов (70 кг), Никита Семенов (125 кг) уонна Артем Ефремов (57 кг) кыайыы көтөллөннүлэр. Ларион Андреев (70 кг), Семен Владимиров (61 кг), Георгий Окороков (57 кг) иккис, Максим Толмачев (86 кг) үһүс буоллулар.
Классическай көрүҥҥэ аан бастаан күүһүн холоммут хапсаҕайга спорт маастара Андрей Захаров 59 киилэҕэ диэри ыйааһыҥҥа соргулаахтык тустан үрүҥ көмүс мэтээлинэн наҕараадаланна.
Күрэхтэһии түмүгүнэн саха тустууга оскуолатын үс иитиллээччитэ — Иван Ефремов, Никита Семенов уонна Артем Ефремов — Арассыыйа спордун маастарын нуорматын толордо.
Роман ПОПОВ, “Саха сирэ” хаһыат, edersaas.ru