Майа үөрэнээччилэрин үтүө холобура

Ааптар: 
Бөлөххө киир:

Халлаан биллэ сылыйан, уулуссаларга хаар килэрийэн, ордук эмэн дьоҥҥо хаамалларыгар сэрэхтээх буолла.  


Бу күннэргэ Майа сэлиэнньэтигэр элбэх киһи кэлэр-барар сирэ — Сыроватскай уонна Манчаары уулуссаларын ситимниир, «Сбербанк» уонна «Эргис» атыы-эргиэн киинин икки ардыгар баар тротуар хаартан-муустан ыраастанан, сэлиэнньэ олохтоохторо уонна ыалдьыттара абыраннылар.

Килэрийэн хаалбыт халтархай тротуары эдэр учуутал Любовь Докторова салайааччылаах Ф.Г.Охлопков аатынан Майа орто оскуолатын 11 «а» кылааһын үөрэнээччилэрэ күргүөмүнэн күрдьэхтээх кэлэн, аҕыйах чаас иһигэр дьон хаамар сирин үөрэ-көтө хаартан-муустан ыраастаатылар.

Үөрэнээччилэри амарах санаалаах буоларга уһуйар, дьоҥҥо-сэргэҕэ туһалаах «Тимуровскай үлэлэр» мантан саас киэҥ далааһыннанан, дьоҥҥо-сэргэҕэ сааскы настарыанньаны бэлэхтиэхтэрэ.

Виктория Белолюбская.

+1
0
+1
0
+1
0
+1
0
+1
0
+1
0
+1
0