Бу сарсыарда Москва бириэмэтинэн 6.30 ч., 81-с сааһыгар сылдьан, уһун ыарахан ыарыыттан Лена Максимовна Аммосова – биллиилээх судаарыстыбаннай деятеллэр Максим Аммосов уонна Раиса Цугель кыра кыыстара, бу олохтон өлөн туораата.
Кини, дойдуга сэбиэскэй былаас атаҕар эрэллээхтик туруутугар, Саха сиригэр автономияны туруулаһыыга сүдү оруоллаах биллиилээх төрөппүттэрин сырдык ааттарын үйэтитиигэ үгүһү оҥорбута, элбэҕи үлэлээбитэ.
Лена Максимовна Аммосова — Саха Өрөспүүбүлүкэтин бочуоттаах гражданина, Нам улууһун бочуоттаах олохтооҕо, Хатырык нэһилиэгин Ытык киһитэ, Саха сирин норуотун хаһаайыстыбатын үтүөлээх үлэһитэ, СӨ М.К.Аммосов аатынан Судаарыстыбаннай бириэмийэтин уонна СӨ Баһылыгын бириэмийэтин лауреата.
«Саха сирэ» хаһыат, edersaas.ru
+1
+1
+1
+1
+1
+1
+1