close
Баһылай Манчаары өйдөбүнньүгэ тоҕо оҥоһуллубата?...
Бэлиэ күннэр - Олох-дьаһах - Тыа сирэ

Баһылай Манчаары өйдөбүнньүгэ тоҕо оҥоһуллубата?

Соторутааҕыта биир Мэҥэ Хаҥалас киһитин көрсөммүн, Манчаары Баһылай өйдөбүнньүгэ ханна туруоруллубутун ыйыппыппар, төрүт даҕаны оҥоһулла илик диэн соһутта.

edersaas.ru

2013 с. хаһыакка Манчаары Баһылай өйдөбүнньүгэ соҕуруу оҥоһулла сылдьар, ону тимир суол вокзалын таһыгар эбэтэр федеральнай тыраасса уҥуор туруорар туһунан мөккүөр барар диэн суруллубут этэ. Онтон ыла биэс сыл ааста! Өйдөбүнньүк суох. Туохтан тутулунна? Үбэ-харчыта көстүбэтэ дууу, биитэр салалта ити Казарян уо.д.а курдук куолуһуттар араас дойҕохторуттан сэрэннэ дуу?

Манчаары Баһылай —— сахалар национальнай дьоруойбут! Кини туһунан төһөлөөх элбэхтик номоххо кэпсэнэрий, ырыаҕа ылланарый, хоһооҥҥо хоһулларый! Өксөкүлээхтэн, Алампаттан, Күлүмнүүртэн саҕалаан саха саарыннара Манчаары туһунан бэртээхэй айымньылары, ыстатыйалары төһөнү суруйбуттара буолуой? Ону барытын биир кэлии киһи хоруотаабытынан туора сотон кэбиһэбит дуо? Казаряны утаран элбэх киһи суруйбута. Олортон Валерий Луковцев: «Арменияҕа тиийэн арай, Давид Сасунскай туһунан итинник суруйдахха, тыыннаах да таһааралларын билбэтим», диэбитэ өйбөр хаалбыт. Маннык санаа төрүт олоҕо суоҕун туһунан биллэр суруйааччы, кырдьаҕас юрист Н.Ф. Борисов-Ньукулай Уус бэрт үчүгэйдик суруйан турар. Онон, Манчаары туһунан араас сымыйа дойҕоҕу итэҕэйимиэҕиҥ.

Өйдөбүнньүк хайаан даҕаны оҥоһуллуо диэн эрэнэбин. Турар миэстэтин туһунан мөккүөргэ мин санаам маннык, өрүскэ (Эбэҕэ) киирии аартыгар туруоруллара ордук. Ити урукку ГАИ эбэтэр уҥа диэки букатын очуос үрдүгэр. Тэйиччи буоллун. Били Ольга Иванова «Үөһэттэн таҥнары Өлүөнэтин көрбүтэ» диэн ыллыырын курдук. Үрдүк олбоххо олортоххо, көстүүтэ олус үчүгэй буолуоҕа. Оттон тимир суол вокзалын таһыгар туруорулуннаҕына, киин уонна хотугу улуустар олохтоохторо көрбөппүтүгэр тиийэбит. Тимир суолунан айаннааччы оннук элбэх буолуо дии санаабаппын, соҕуруу барар дьон өрүһү туораан, Бэстээҕинэн айанныыллара саарбах. Табаҕанан өрүһү туоруур күргэ тутулуннаҕына даҕаны, хотулар-илиннэр кыһынын баҕас быһа туоруурбут саарбаҕа суох.

Сахалар номоххо киирбит киһибитигэр, Манчаары Баһылайга, өйдөбүнньүк элбэх киһи сылдьар, көрөр сиригэр тутуллуохтаах. Үрдүкү салалта өйөөтөҕүнэ, саха дьоно, ордук биир дойдулаахтара, мэҥэлэр туруннахтарына, ама, кыайтарбат буолуо дуо? Кыайтарар бөҕө. Ылсыахха, туруорсуохха эрэ наада.

Чурапчыттан Иван Пономарев, “Саха сирэ” хаһыат edersaas.ru. сайтыгар анаан

#бүгүн: 1
1
1

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

три + семнадцать =

INSTAGRAM ЛИЭНТЭТЭ

Instagram батыһан бар