Манчаары оонньууларын көрсө Бэрдьигэстээххэ сыал ытар сир тутуллуоҕа

Саха Өрөспүүбүлүкэтин Ил Дарханын эбээһинэһин толорооччу Айсен Николаев бүгүн Горнай улууһугар сырытта. Онно XXI Манчаары оонньууларын тэрийэн ыытыыга анаммыт мунньахха кыттыыны ылла.

Манчаары оонньуулары көрсө улуус киинигэр стадион хаттаан оҥоһуллуоҕа, универсальнай спорт саалата дьэндэйиэҕэ итиэннэ буулдьанан ытыыга, оҕунан ытыыга аналлаах тир тутуллуоҕа.

Айсен Сергеевич спортивнай тэрээһиннэр былааннара атырдьах ыйын 15 күнүгэр оҥоһуллан бэлэм буолуохтаахтарын ирдээтэ. Бары былааннаммыт эбийиэктэр тутууларын, ол иһигэр ОДьКХ, социальнай суолталаах эбийиэктэри, 2021 сылга диэри үмүрүтэр инниттэн, үлэни уһаппакка-кэҥэппэккэ саҕалыырга эттэ.

Роман Попов, edersaas.ru

Хаартыска Интэриниэттэн ылыллынна.