Мандзяк: «Ил Дархан көмөлөһөөччүтүн сөмөлүөттэн төрүөтэ суох таһаардылар»
Роман Мандзяк сөмөлүөккэ тахсыбыт быһылааҥҥа комментарий биэрдэ.
Ил Дархан дьаhалтатын информационнай бэлиитикэҕэ департаменын салайааччы Роман Мандзяк «Аэрофлот» авиахампаанньа Москваттан Дьокуускайга кэлэр сөмөлүөтүгэр буолбут түбэлтэ туһунан официальнайдык иһитиннэрдэ.
Кини этэринэн, Ил Дарханы сөмөлүөккэ олорор толуона суох буолан, бортповодниктар олорор сиригэр аһардыбатахтар, тамбурга туруорбуттар. Егор Борисов, кини кэргэнэ уонна көмөлөһөөччүтэ Евгений Шигапов сөмөлүөккэ олорууга дуоһунастаах дьон саалатыттан регистрацияланан ааспыттар.
«Сотору буолан баран, «Аэрофлот» үлэһиттэрэ бырастыы гыннаран, олордубуттар. Көмөлөһөөччү Шигапов өттүттэн күргүйдээһин, айдаан, күлүгээннээһин тахсыбатах. Кинини сөмөлүөттэн таһаарыы төрүөтэ суох», — диэбит Мандзяк.
Николай Попов, «Саха сирэ» хаhыат, edersaas.ru
+1
+1
+1
+1
+1
+1
+1