Аҕыйах хонуктааҕыта Марха 1-кы нүөмэрдээх оскуолата (Дьокуускай куорат) аан маҥнайгытын үөрэнээччилэригэр ыһыах тэрийдэ.
edersaas.ru
Ыһыах оҕолорго саха норуотун култууратын, үгэстэрин билиһиннэрэр, төрөөбүт дойдуга тапталы иҥэрэр, интернационализм тыыныгар иитэр сыалтан ыытылынна.
Үтүө үгэс бу да сырыыга кэһиллибэтэ. Ол курдук, Үрдүк Айыыларга сүгүрүйүүттэн саҕаланна. Манна оскуола үөрэнээччилэрэ уонна “Одун” фольклор ансаамбылын иитиллээччилэрэ кытыннылар. Онон Оҕо (подростковай) киинэ уонна Марха 1-кы нүөмэрдээх орто оскуолата үөрэх дьылын устата бииргэ кыттыгас үлэлэрин түмүгүн көрдөрдүлэр.
Онтон хас биирдии кылаас түһүлгэлэрин киэргэтэн, ыалдьыттары ырыанан-тойугунан, үҥкүүнэн, хомуһунан, сахалыы аһынан көрүстүлэр.
Төбүрүөннээн олорон тото-хана аһаан баран сахалыы таҥас, уһун суһуох куонкурустарыгар кытыннылар, өбүгэлэр оонньууларыгар куоталастылар.
Марха микрооройуонун дьаһалтата, edersaas.ru