Массыына түҥнэстиитигэр ким буруйдааҕый? Арыгы? Суоппар?

Бөлөххө киир:

Алтынньы 13 күнүгэр түүн  биир чаас саҕана  27 саастаах эдэр киһи «Инфинити FX-35» массыынатынан Сэбиэскэй Аармыйа 50 сыла уулуссанан түргэнник айаннаан иһэн, халтарааҥҥа уруулун кыайан туппакка түҥнэстибит.

edersaas.ru

Эдэр киһи төбөтүгэр эчэйиини ылан, тута балыыһаҕа тиэрдиллибит. ГАИ иниспиэктэрдэрэ этэллэринэн, тимир көлө хайдах даҕаны чөлүгэр түһэриллэр кыаҕа суох. Оннук айылаахтык кумаламмыт.
Алтынньы 12 күнүн киэһэтигэр үс эдэр киһи аһыы утаҕы иһэн баран, саунаҕа барбыттар. Кинилэртэн биирдэстэрэ нэдиэлэ анараа өттүгэр «Инфинити» массыынаны атыыласпыт. Хомойуох иһин, уруулга саҥа хаһаайын быраата олорбут. Ол уол массыынаны ыытар бырааба суох эбит. Түмүгэр итинник суол быһылаана тахсыбыт.
Кэлиҥҥи кэмҥэ ордук эдэр дьон аһыы утаҕы иһэн баран, уруулга олоруулара лаппа элбээбит. Бу олус кутталлааҕын туһунан ГАИ иниспиэктэрдэрэ бэлиэтииллэр. Бэйэлэригэр сэрэхтээҕин таһынан атын дьон тыыныгар туруохпут диэн куттамматтара, эппиэтинэстэрэ суоҕа сөхтөрөр.

Александр ТАРАСОВ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0