Кыһыммыт кэлбитинэн уонна билиҥҥи кэмҥэ түргэнник бардахха-кэллэххэ сатанарынан, массыыналаахтар сыанатынан удамыр уонна сылааһы өр тутар «портативнай» дэнэр гараастары ордорор буоллулар.
Мэтээл икки өрүттээҕин курдук, төһөнөн табаар туһалаах, наадалаах даҕаны, сонон ону уоран дохуот киллэринээччилэр элбииллэр.
Итинэн сибээстээн, полиция маннык сүбэлэри биэрэр:
Бастатан туран, «суорҕан»-гарааскытын соттоххо суураллыбат кыраасканан бэлиэтээҥ – массыынаҕыт нүөмэрин суруйуҥ. Итини «гараас» ис өттүнэн суруйар ордук. Бэлиэтэ суоҕу уорар дөбөҥ – атыылыырга түргэн, батарарга үчүгэй. Ол иһин уоруйахтар туох да бэлиэтэ суохтары сойбото сатыыллар.
Иккиһинэн, сорох дьон итинник гараастарын таҥаһын быыһыгар визиткаларын биитэр туох эмит малы тигэллэр – өскөтүн уордахтарына, полиция уоруйаҕы буларыгар көмөлөстүн диэн.
Өскөтүн итинник гараастары уорарга соруммут чахчыларын биитэр уорбуттарын биллэххитинэ, бу нүөмэрдэргэ эрийэн биллэриҥ; 02 (020), 42-22-22 (СӨ ИДьМ-тын «итэҕэлин нүөмэрэ»), 45-44-43 (Дьокуускай куорат полициятын «итэҕэлин нүөмэрэ»).
Биһиги корр., «Саха сирэ» хаһыат, edersaas.ru
Хаартыска: интэриниэттэн.