Уонтан тахса сыллааҕыта суотабай сибээс биир эрэ операторынан туһанарбыт. Атыны талар кыаҕа суохпутуттан, мобильнай сибээс иһин үгүс үбү-харчыны тэбиирбит. Олохпут иннин диэки эрчимнээхтик хардыылаан, билигин өрөспүүбүлүкэҕэ суотабай сибээс хас даҕаны оператора үлэлиир. Сибээс хампаанньалара абоненнарыгар утары баран саҥаттан-саҥа өҥөлөрүнэн, чэпчэки тарыыптарынан, түргэн интэриниэтинэн хааччыйаллар.
Биир бэйэм «Мегафон» килийиэнэбин. Дьокуускайга үлэлии кэлээттэрин кытары, уһун-киэҥ уочараты аахсыбакка туран, бу хампаанньа абоненынан буолбутум. Уонтан тахса сыл ааста эрээри, нүөмэрбин да уларыта иликпин. Дьиҥэр, бу сыллар тухары, МТС-ка, Билайҥҥа да холботторо сылдьыбытым эрээри, «Мегафон» сибээһин, түргэн сырыылаах интэриниэтин быдан ордоробун. Тарыыбым «Мегафон – Все включено S” диэн. Интэриниэтинэн хааччахтааһына суох туһанабын. Ютубка төһө баҕарар киинэ көрүөхпүн сөп.
Аҕыйах күнтэн бэттэх, «Мегафон-ТВ» интэриэһиргээн, аны ону холботтордум. Урут, өйдүүргүт эбитэ дуу, хас да чааһы, күнү быһа биир киинэни интэриниэттэн хачайдаан көрөрбүт. Билигин хартыына чыҥха уларыйда ээ. Хаһан, ханна баҕарар сылдьан киинэни онлайн көрөр кыахтанныбыт. Кылаабынайа, интэриниэт эрэ баар буолуохтаах.
«Мегафон-ТВ» өҥөтүнэн ким баҕарар туһанар кыахтаах (эбэһээт бу хампаанньа килийиэнэ диэн буолбатах). Холобур, мин төлөпүөнүм «Самсунг». Онон PlayMarket-ка киирэн бырагырааманы төлөпүөммэр хачайдаан туруоруннум. Олох судургу. Эбиитин кыра миэстэни ылар.
Хачайдаан баран, ссылканы баттаатаххына, «Новое и лучшее» диэн раздел көстөн кэлэр.
Хачайдаабыппын кытары, босхо 50 ханаалы көрүөххүн сөп диэн сурук таҕыста.
Ол курдук, төлөпүөммэр «Бастакы ханаал», «Россия-1», НТВ, «Бэһис ханаал», «Карусель», ОТР, «ТВ-центр», СТС, ТВ-3, «Пятница», «Звезда», ТНТ уонна да атын ханааллары босхо көрөр кыахтаахпын.
Атын ханааллары көрүөхпүн баҕарар буоллахпына, бакыатынан атыылаһыахпын сөп. Холобур, «Основной», START, «Амедиатека», «Большой детский», «Русские сериалы», «Кино по подписке», «Кино HD», «Спортивный HD», «Наш футбол HD», «Познавательный HD», «Мульт» уонна да атыттар бааллар. Бастакы сэттэ хонукка бу ханааллары кытта билсиһэргэ анаан төлөбүрэ суох көрөр эбиккин. Хата, маны ордук сэҥээрэ көрдүм. Холобур, сөбүлээбэтэххинэ, салгыы харчы төлөөн холботторбоккун.
Мин тарыыбым «Мегафон – Все включено S» буолан, ыйга биирдэ биир киинэни босхо көрөбүн.
Билигин үгүс дьон «Ростелеком», ТТК, «Телекарта», «НТВ+» курдук кабельнай, спутниковай тэлэбиидэнньэҕэ холбонон олорор. Ол эрээри «Мегафон-ТВ» өҥөтүнэн туһанан, аҥаардас дьиэҕэ олорон эрэ буолбакка, оптуобуска айаннаан иһэн, үлэҕэ олорон сөбүлүүр ханаалларбытын, биэриилэрбитин, киинэлэрбитин, сериалларбытын көрүөхпүтүн сөп.
Анивера АКИМОВА, «Саха сирэ» хаһыат, edersaas.ru