Анаабыр улууһун Майаат учаастагын алмаасчыттара «МегаФон» хампаанньа сибээһинэн хааччылыннылар. Базовай станцияны тутуу уонна үлэҕэ киллэрии «Анаабыр алмаастара» АУо-ны кытары түһэрсиллибит сөбүлэһиигэ олоҕуран ыытылынна.
edersaas.ru
Бырамыысыланнаc хампаанньата ыраах сиргэ учаастактаах буоллаҕына, хайаан даҕаны үлэһиттэр хаачыстыбалаах сибээһинэн хааччыллыахтаахтар. «МегаФон» суотабай оператор Майаат алмаастаах сир «Учах» учаастагар базовай станцияны таҥан туруорда. Онон билигин үлэһиттэр хаачыстыбалаах уонна түргэн сибээстээхтэр.
«Биһиги килийиэннэрбитин хаачыстыбалаах сибээһинэн хааччыйарга дьулуһабыт. «Анаабыр алмаастара» хампаанньаны кытары уруккуттан үлэлиибит. Кинилэр сакаастарынан номнуо үһүс эбийиэги тутан үлэҕэ киллэрдибит. Үһүс станциябыт хампаанньа тэриллибитэ 20 сыллаах үбүлүөйүгэр үлэҕэ киирдэ», – диэн «МегаФон» Саха сиринээҕи салаатын корпоративнай биисинэскэ салаатын салайааччыта Ирина Кылбанова кэпсиир.
«МегаФон» биһиги өрөспүүбүлүкэбитигэр корпоративнай килийиэннэринэн кыһыл көмүһү, ньиэби, алмааһы, таас чоҕу хостуур тэрилтэлэр буолаллар.
Биһ. корр., edersaas.ru