Мэҥэ полициятыгар хаар оҥоһуктарга куонкурус ыытылынна

Ааптар: 
Бөлөххө киир:

Полиция үлэһиттэрэ ыарахан үлэттэн аралдьыйан, Саҥа дьыллааҕы настарыанньаны үөскэтэн уонна тарбахтарыгар  талааннаах үлэһиттэри булар сыалтан араас тэрээһиннэри ыыталлар. 

edersaas.ru


Ол курдук, өрөспүүбүлүкэҕэ биир бөдөҥ отделынан биллэр Мэҥэ Хаҥалас улууһун полицията сылын аайы үгэс быһыытынан, хаар оҥоһуктарга куонкурус биллэрэр. Манна тугу оҥороллорун эрдэттэн толкуйдаан, бэлэмнэнэн, бары сулууспалар олус көхтөөхтүк кытталлар. Быйылгы куонкурска 7 сулууспа күрэхтэспит.

Полицейскайдар фантазияларын сүрдээҕин үлэлэтэн, хаартан скульпураларын, сүрүннээн, Ыт сылыгар анаабыттар. Дьэ, уонна куонкурус түмүгүнэн, кыайыылаахтарынан маннык сулууспалар буолбуттар:

Дознание, силиэстийэ, экспертэр бөлөхтөрүн «Щенячий патруль» диэн ааттаах оҥоһуктара бастакы миэстэни ылбыт:

«Участковый всегда на посту» диэн участковай боломуочуонайдар уонна сокуоннай саастарын ситэ илик оҕолор дьыалаларыгар иниспиэктэрдэр хаар оҥоһуктара иккис миэстэҕэ тиксэн, үөрбүттэр-көппүттэр.

Онтон үһүс бириистээх миэстэни «Единственная девушка в ИВС в образе Хаарчааны с символом года» диэн ааттаах оҥоһук ылбыт. Ааптардар — дьону быстах кэмҥэ хаайар изолятор (ИВС) сотрудниктара.

Маны тэҥэ, «Дед Мороз к нам приходит», «Волка ноги кормят», «Гномы», «Трон наступающего года Собаки» диэн хаар оҥоһуктар эмиэ бэртээхэй көстүүлээхтэр.

Вера МАКАРОВА, «Саха сирэ» хаһыат, edersaas.ru

Хаартыскаларга: Мэҥэ Хаҥалас улууһун Ис дьыалаҕа отделын күннээҕи олоҕуттан.

+1
0
+1
0
+1
0
+1
0
+1
0
+1
0
+1
0