close

Мэрия сыаналаах массыыналарын атыылаан эрэр
Айан суола - Олох-дьаһах

Мэрия сыаналаах массыыналарын атыылаан эрэр

Балаҕан ыйын 18 күнүгэр, Дьокуускай баһылыга Сардаана Авксентьева эппитин курдук, мэрия сыаналаах массыыналарын атыыга таһаарар дьаһалыгар илии баттаата.

Докумуоҥҥа этиллибитинэн, сыаналаах массыыналар алтынньы 22 күнүгэр диэри атыыга барыахтаахтар. Баай-дуол департаменыгар балаҕан ыйын 25 күнүгэр диэри Дьокуускай мэриятин бас билиитигэр баар сыаналаах массыыналары ааҕар дьаһал биэриллибит. Кинилэр алтынньы 1 күнүгэр диэри испииһэктээн туттарыахтаахтар.

Маны таһынан, муниципальнай тэриллиилэр уонна тэрилтэлэр алтынньы 15 күнүгэр диэри массыыналар сыаналарын быһаарар сорудахтаннылар.

Санатан эттэххэ, сыаналаах массыыналары атыылыыр туһунан Сардаана Авксентьева быыбар иннинээҥҥи бырагырааматыгар эппитэ.

Николай Попов, «Саха сирэ» хаһыат, edersaas.ru

 

 

 

#бүгүн: 1
1
0

Сайт матырыйаалларын ааптар көҥүлэ суох ылар бобуллар.