СӨ Ил Дарханын Егор Борисов 1521-с №-дээх ыйааҕынан Михаил Гуляев спорт миниистирин дуоһунаһыттан босхолонно уонна СӨ бырабыыталыстыбатын бэрэссэдээтэлин солбуйааччы эбээһинэһин толорооччунан ананна.
Михаил Гуляев 1956 сыллаахха Чурапчы улууһун Мугудай нэһилиэгэр төрөөбүтэ. 1979 с. Дьокуускайдааҕы педучилищены, 1985 с. Омскайдааҕы физкултуура инстуитутун, 1997 с. Уһук Илиҥҥи судаарыстыбаннай сулууспа академиятын ситиһиилээхтик бүтэрбитэ.
Үлэтэ:
1979-1980 сс. – Мугудай орто оскуолатыгар физкултуура учуутала
1980-1981 сс. – Хайахсыттааҕы орто оскуолаҕа баспытаатал;
1985-1986 сс. – Дириҥнээҕи орто оскуолаҕа баспытаатал;
1986-2003 сс. – Чурапчытааҕы спортивнай оскуола-интэринээккэ дириэктэрэ, Чурапчытааҕы спорт уонна физкултуура институтун ректора. Физкултуура уонна спорт базовай көрүҥнэрин кафедратын доцена;
2002 с. – Чурапчы улууһун мунньаҕын бэрэссэдээтэлэ;
2003-2011 с. — СӨ физкултуураҕа уонна спорка Судаарыстыбаннай комитетын бэрэссэдээтэлэ;
2011-2012 с. — «Дирекция строящихся спортивных объектов» тэрилтэ генеральнай дириэктэрэ;.
2012-2013 сс. – СӨ Президенин уонна бырабыыталыстыбатын дьаһалтатын ис политикатын Департаменын салайаааччыта;
2013 с. — СӨ Спордун миниистирэ.