close
Михаил Николаевы үбүлүөйүнэн эҕэрдэлээтилэр
· - Бэлиитикэ - Бэлиэ күннэр - Олох-дьаһах

Михаил Николаевы үбүлүөйүнэн эҕэрдэлээтилэр

Бастакы Бэрэсидьиэни, өрөспүүбүлүкэ судаарыстыбаннай сүбэһитэ Михаил Николаевы 80 сааһынан бүгүн сарсыарда эрдэттэн саҕалаан министиэристибэлэр, биэдэмистибэлэр, улуустар дьаһалталарын уонна тэрилтэлэр бэрэстэбиитэллэрэ эҕэрдэлээтилэр.

edersaas.ru

Бырамыысыланнас уонна геология миниистирэ Андрей Панов бэйэтин эҕэрдэтигэр сэтинньи 13 күнэ Саха сирин бары олохтоохторугар улахан бырааһынньык буоларын бэлиэтээтэ.

Михаил Ефимович, Эн бөдөҥ личность, федеральнай таһымнаах салайааччы буолаҕын, биһиги, эдэрдэр, Эйигин холобур оҥостобут, диэтэ.

Сыана бэлиитикэтин судаарыстыбаннай кэмитиэтин бэрэссэдээтэлэ Антонина Винокурова Михаил Ефимович бэрэсидьиэн солотун дойду ырыынакка көһөр уустук кэмигэр туппутун итиэннэ сөптөөх бэлиитикэни тутуһан, өрөспүүбүлүкэҕэ сайдыы саҕаҕын арыйбытын бэлиэтээтэ. “Сыана үөскээһинин ситимин сайыннарыыга киллэрбит кылаатын иһин” диэн биэдэмистибэ знагын итиэннэ тэрилтэ 50 сыллаах үбүлүөйүнэн тахсыбыт кинигэни туттарда.

Экономика миниистирин солбуйааччы Татьяна Корякина Бастакы Бэрэсидьиэн  өрөспүүбүлэкэ туһугар сыратын үрдүктүк сыаналаан туран, тыыннаах сибэкки дьөрбөтүн туттарда. Ити курдук, норуот Бастакы Бэрэсидьиэнигэр бэйэтин истиҥ тапталын, дириҥ ытыктабылын биллэрдэ.

Раиса Сибирякова, “Саха сирэ” хаһыат, edersaas.ru

Хаартыскаҕа: эҕэрдэлээһин түгэннэриттэн

2
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

семнадцать + 6 =

INSTAGRAM ЛИЭНТЭТЭ

Instagram батыһан бар