Кини «Таас-Үрэх Нефтегазодобыча» нефтегазовай хампаанньаҕа генеральнай дириэктэри солбуйааччынан үлэлии барда.
СӨ Ил Дархана ахсынньы 29 күнүнээҕи ыйааҕынан, СӨ бырамыысыланнаһын уонна геологиятын миниистирэ Панов Андрей Анатольевич атын үлэҕэ барарынан сибээстээн, үлэтиттэн ууратылынна.
edersaas.ru
Sakha.gov.ru суруйарынан, Панов А.А. «Таас-Үрэх Нефтегазодобыча» ХЭУо-ҕа генеральнай дириэктэри солбуйааччынан үлэҕэ ыҥырыллыбыт. Туһааннаах хампаанньа Орто Ботуобуйатааҕы ньиэп, гаас сирдээх лицензионнай учаастакка үлэлиир.
Эксперт санаата
Владимир Аммосов, «Мин-ИНЖЕНЕРБИН» тэхэниичэскэй исписэлиистэри сүрүннүүр киин бэрэссэдээтэлэ:
— Андрей Панов үчүгэйдик үлэлээн ааста диэн сыаналыыбын. Ону таһынан, кини «Саха ыччатын бырамыысаланнаска» бырайыакпытын өрүүтүн өйүүрэ, «Мин-ИНЖЕНЕРБИН» куонкуруспут экспертэрин хамыыһыйатыгар көхтөөхтүк үлэлэспитэ. Ити үтүө үгэһэ саҥа үлэҕэ көспүтүн кэннэ хаалыа диэн эрэнэбит.
ЫСПЫРААПКА
Панов Андрей Анатольевич. 1998 сылтан «АЛРОСА» хампаанньаҕа, Мииринэй оройуонун дьаһалататыгар үлэлээбитэ. 2013 с Бырамыысыланнас миниистиринэн анаммыта. Промышленниктар династияларын бэрэстэбиитэлэ.
Анивера АКИМОВА, edersaas.ru
Александр Оглы суолунан
Урут, Вячеслав Штыров бэрэсидьиэнниирин саҕана маннык рокировка эмиэ буолан турар. Александр Оглы диэн бырамыысаланнас миниистирэ үлэтиттэн уурайан эмиэ нефтегазовай хампаанньаҕа — «Сургутнефтегазка» гендириэктэри солбуйааччынан көспүттээх (билигин да онно баар). Билэр дьон этэллэринэн, нефтегазовай хампаанньаҕа дириэктэри солбуйааччы хамнаһа миниистир хамнаһынааҕар, кырата, биэс төгүл үрдүк.
