Министиэристибэ «корпоративтан» аккаастанна

Бөлөххө киир:

Тэрилтэлэр уонна биирдиилээн дьон аһымал санаа акцияларыгар кыттыһаллара үксээтэ. Холобур, Гражданскай уопсастыбаны сайыннарыы министиэристибэтигэр Саҥа дьыллааҕы бырааһынньыктан аккаастанан, ол оннугар искэн ыарыытынынан ыалдьар оҕолорго көмөлөстүлэр. 60 тыһ. солкуобайы хомуйан, “Праздник жизни” аһымал фондаҕа биэрдилэр.

“Праздник жизни” фонда дириэктэрэ, Ил Түмэн дьокутаата Алена Атласова министиэристибэ көҕүлээһинин өйөөтө. “Билиҥҥи ыарахан кэмҥэ, ыарыыга ылларбыт дьон көмөҕө наһаа наадыйаллар. Кинилэргэ көмөлөһөр олус үчүгэй саҕалааһын”, — диэн кини махтанна.
Кырдьык да, бу үтүө санаа, аһыныгас буолуу көҕүлээһинин атын да тэрилтэлэр, министиэристибэлэр өйүөхтэрин сөп эбит. Биир киэһэҕэ тыһыынчанан харчыны барыахтааҕар, кимиэхэ эрэ, олус наадыйар кэмигэр көмөлөһүү – киһилии быһыы буоллаҕа.

Сэтинньи бүтүүтэ “Саха” НКИК эфирыгар аһымал биэрии ыытыллыбыта. Бу биэрии Нациоанальнай медицина киинин онкология отделениетыгар эмтэнэр үс оҕоҕо көмөлөһөр сыаллаах этэ. Барыта 197650 солк. хомуллан, хас биирдии оҕоҕо 65883 солк. тиксибитэ.
Усуйаанаттан кэлбит 5 саастаах Азалия Петухова, Дьокуускайтан 4 саастаах Саша Дроздович уонна Чурапчыттан 14 саастаах Гриша Александров төрөппүттэрэ аһыныгас санаалаах дьоҥҥо махтаналлар. Бу оҕолор нефробластома, остеосаркома, ганглионейробластома диэн диагнозтаахтар, күннэтэ ыарахан ыарыыны утары охсуһаллар, сыааналаах эмтэргэ наадыйаллар.

Онон өрөспүүбүлүкэ олохтоохторо кинилэргэ уонна атын да оҕолорго төһө кыайалларынан көмөлөһүөхтэрин сөп. Оҕолор ыйы-ыйынан балыыһаҕа сыталлар, онон ордук Саҥа дьылга бырааһынньыгы, бэлэхтэри, дьон сылаас сыһыанын күүтэллэр.

Ангелина Васильева, «Саха сирэ» хаһыат, www.edersaas.ru.

“Праздник жизни” аһымал фондатын реквизиттэрэ:
Дьокуускай к., Орджоникидзе уул. 47, 26-с офис.
ИНН 1435124821
КПП 143501001
р/с 40703810403001700978
Банк АКБ «Алмазэргиэнбанк» ОАО г. Якутск
БИК 049805770
КОР. СЧ 30101810300000000770.
“Вид платежа” диэн сурук утары хайаан да «Вид платежа» необходимо обязательно указать: «Благотворительное пожертвование на акцию «Щедрый вторник» суруйаҕыт.

+1
0
+1
0
+1
0
+1
0
+1
0
+1
0
+1
0