Бу күннэргэ Москваҕа буола турар “Көмүс күһүн-2017” Бүтүн Россиятааҕы тыа хаһаайыстыбатын быыстапка-дьаарбаҥкатын чэрчитинэн үгүс кэрэхсэбиллээх дьаһаллар ыытыллаллар.
Олортон биирдэстэринэн Россия Федерациятын Тыатын хаһаайыстыбатын министиэристибэтэ уонна Табаһыттар национальнай сойуустара бииргэ үлэлиир туһунан дуогабар түһэрсибиттэрэ буолар. Дуогабарга дойду тыатын хаһаайыстыбатын миниистирин солбуйааччы Евгений Непоклонов итиэннэ табаһыттар национальнай сойуустарын президенэ, Саха Өрөспүүбүлүкэтин Судаарыстыбаннай Мунньаҕын (Ил Түмэн) бастакы вице-спикерэ Анатолий Добрянцев илии баттаатылар.
Евгений Непоклонов, Россия тыатын хаһаайыстыбатын миниистирин солбуйааччы:
— Бу докумуон министиэристибэ табаһыттары кытары бииргэ үлэлээһинигэр саҥа түһүмэҕи арыйар. Табаһыттар судаарыстыба кинилэргэ эрэллээх партнер буоларын билиэхтээхтэр. Биһиги таба салаатын сайыннарыыга, үбүлээһиҥҥэ, бэтэринээринэй өттүнэн куттал суох буолуутун хааччыйыыга, бородууксуйаны батарыыга тэрийэн кэлбит үлэбитин-хамнаспытын салгыыбыт.
Раиса СИБИРЯКОВА, “Саха сирэ” хаһыат, edersaas.ru.
Дуогабарга илии баттааһын түгэнэ
Табаһыттар национальнай сойуустарын дэлэгээссийэтэ