close
Дьокуускайга мороженай фабриката арыллар
Олох-дьаһах - Экэниэмикэ

Дьокуускайга мороженай фабриката арыллар

Сэтинньи 9 күнүгэр Дьокуускай куорат Мархатыгар “Сластена” мороженай фабриката арыллыаҕа.

 

“Сластена” 15 сылы быһа кырачааннар сөбүлүүр астарын — мороженайы уонна тоҥоруллубут бородуукталары оҥорор уонна атыылыыр тэрилтэ быһыытынан биллэрэ. Куорат олохтоохторо бородууксуйа сыаната удамырын уонна минньигэс амтаннааҕын иһин сөбүлүүллэр. “Сластена” киоскатыгар куйаас күн уһун уочарат субуруйан турар буолааччы.

Быйыл Италияттан анал тэрил ылан, кэҥэтэн, фабрика быһыытынан саҥа көрүҥнэри оҥорон таһаарыыны саҕалаатылар. Онон олохтоох минньигэс эскимо атыыга киэҥник тахсыаҕа.

Бу күн үөрүүлээх аһыллыыга кэлбит дьону, кырачааннары мороженайынан күндүлүөхтэрэ, фабрика устун экскурсиялатыахтара. Ыалдьыттар бородууксуйа саҥа көрүҥүн амсайыахтара.

Ангелина Васильева, “Саха сирэ” хаһыат, edersaas.ru

#бүгүн: 1
1
0

Сайт матырыйаалларын ааптар көҥүлэ суох ылар бобуллар.

Мин санаам:

двенадцать − 1 =