«Аэрофлот» АХ бу күннэргэ чэпчэтиилээх билиэттэри атыыга таһаарда. Ол курдук, Москваҕа диэри промо-тарыып 8000 солкуобайынан олохтонно.
Анивера Акимова, «Саха сирэ» хаһыат, https://edersaas.ru
Билиэттэр тохсунньу 17 күнүттэн кулун тутар 25 күнүгэр диэри атыыланыахтара. Хампаанньа кыһыҥҥы расписаниетыгар олоҕуран, Дьокуускай – Москва – Дьокуускай хайысхатынан нэдиэлэҕэ алтата Боинг 737-800 сөмөлүөтүнэн пассажирдары таһар. Ол курдук, эконом-кылаас – 138 уонна бизнес-кылаас – 20 миэстэлээх.
Санатан эттэххэ, «Аэрофлот» бу хайысханан 2013 сылтан үлэлиир.
Оттон былырыын күһүҥҥүттэн өрөспүүбүлүкэ салгынын тырааныспарын ырыынагар үлэлээн эрэр «ВИМ-АВИА» Дьокуускай – Москва – Дьокуускай маршрутунан Boeing 777 көтөр аалынан пассажирдары 9990 солк. үөһээ харчыга таһар.
Анивера Акимова, «Саха сирэ» хаһыат, https://edersaas.ru/