Былырыын Саха сиригэр киноиндустрия сайдарын туһугар үлэлиир СӨ Бырабыыталыстыбатын иһинэн Сэбиэт тэриллибитэ. Сэбиэт чилиэннэрэ уонна киинэ эйгэтин үлэһиттэрэ мунньахтаатылар. Мунньаҕы бырабыыталыстыба бэрэссэдээтэлин солбуйааччы Алексей Дьячковскай иилээн-саҕалаан ыытта. edersaas.ru
Мунньах үлэтин кэмигэр Саха сиригэр киноиндустрия 2014-2020 сылларга сайдыытын быһаарыстылар. Култуура уонна духуобунай сайдыы миниистирин солбуйааччы Владислав Левочкин иһитиннэрбитинэн, саха киинэтэ Арассыыйа таһымыгар эрэ буолбакка бүттүүн аан дойдуга тиийэ аатырыытыгар өрөспүүбүлүкэ өттүттэн сөптөөх өйөөһүн баара көмөлөстө диир. Киинэни устар тиэхиньикэни саҥардыы, өрөспүүбүлүкэтээҕи прокат биир систиэмэтин оҥорорго үлэлэр ыытыллалларын эмиэ бэлиэтээтэ.
РФ кинематографистарын сойуустарын Саха сиринээҕи салаатын бэрэссэдээтэлэ Алексей Романов киинэни оҥорон таһаарыы уустуктарын туһунан боппуруоһу көтөхтө. Сүрүн кыһалҕанан устар тиэхиньикэ түргэнник эргэрэр диэн этэр. Ону таһынан, киинэҕэ сыһыаннаах тустаах исписэлиистэр, анаан идэтийбит үөрэхтээх дьон тиийбэтэ атахтыыр диир. Онуоха Алексей Дьячковскай бу кыһалҕаны быһаарарга көмөлөһөргө бэлэмин биллэрдэ. edersaas.ru
Сиһилии мунньах быһа биэриитин көрүҥ: