«Муома» айылҕа паарката, Муома улууһун айылҕа харыстабылын иниспиэксийэтэ уонна улуустааҕы оҕо айымньытын дьиэтэ хаарга уруһуй куонкуруһун тэрийэн ыыттылар. Бу туһунан «Муома» айылҕа пааркатын үлэһиттэрэ, СӨ Айылҕа харыстабылын министиэристибэтин пресс-сулууспата иһитиннэрэр.
Куонкуруска биэһиттэн уон аҕыһыгар диэри саастаах оҕолор үс бөлөххө арахсан, барыта 16 хамаанда буолан кыттыбыттар. Күрэс «Сир биһиги баайбыт» (муус устар 22 күнүгэр — Сир күнүгэр анаан), «Космос эйгэтэ» (муус устар 12 күнүгэр — космонавтика күнүгэр), «Мин хотугу ньургуһунум» (муус устар 19 күнүгэр — Ньургуһун күнүгэр), «Мин Өрөспүүбүлүкэм» (муус устар 27 күнүгэр — Саха Өрөспүүбүлүкэтин күнүгэр) анаан анал номинацияларынан тэриллэн ыытыллыбыт.
Кыттыбыт оҕолорго бука барыларыгар сертификаттар, грамоталар уонна бэлэхтэр туттарыллыбыттар.
+1
+1
+1
+1
+1
+1
+1