«Арассыыйа ыалларыгар — дьиэ» пэдэрээлинэй бырагырааманан Нам улууһун Аппааны сэлиэнньэтигэр «Озернай» кыбартаалга 75 дьиэ үлэҕэ киирдэ. Бырагыраама 25-40 саастаах дьону удамыр сыаналаах дьиэнэн хааччыйар. Бырагыраамаҕа кыттыбыт дьон дьиэтин биир кыбадыраата — 35 тыһ. солк.
Учаастактары талыыны, дьиэ тутар биригээдэлэри булууну, бырайыактары оҥорууну Саха Өрөспүүбүлүкэтин Архитектураҕа уонна Тутууга Министиэристибэтэ 2016 сыл олунньутугар тэрийбитэ. 2016 сыл муус устарыгар Саха Өрөспүүбүлүкэтин Архитектураҕа уонна Тутууга Министиэристибэтэ ЛДК «Диаметр» ХЭУ-ну кытта дуогабар түһэрсэн тутууну саҕалаабыттара. Уопсайа 5000 миэтэрэттэн тахса олорор кыбадыраат тутулунна. Дьиэлэр учаастактарыгар уот, гаас, сайыҥҥы уу ситимэ тардыллан тураллар.
Саха Өрөспүүбүлүкэтин Архитектураҕа уонна Тутууга Миниистирин бастакы солбучааччыта Павел Аргунов Намҥа тахсан дьиэлэри көрдө уонна үчүгэй хаачыстыбалаахтарын бэлиэтээтэ.
«Арассыыйа ыалларыгар — дьиэ» пэдэрээлинэй бырагыраамаҕа алта ыал кытынна. Кинилэр бары саҥа дьиэҕэ киирдилэр, билигин өрөмүөннүүллэр.
Николай Попов, «Саха сирэ» хаһыат, edersaas.ru