Намнар аан дойдутааҕы ыччат бэстибээлигэр кыттыахтара

Ааптар: 
Бөлөххө киир:

Алтынньы 14-23 күннэригэр Сочи куоракка ыытыллар аан дойдутааҕы ыччат бэстибээлигэр Нам улууһуттан Артем Варданян уонна Егор Протопопов мас тардыһыы, оттон Марат Петров уопсастыбаннай тэрилтэлэр былаһааккаларыгар кыттыахтара. 

Артем Варданян, бэстибээл делегата, мас тардыһыытыгар Саха Өрөспүүбүлүкэтин спордун маастара:

— Мин аан дойдутааҕы ыччат бэстибээлигэр элбэх саҥаны билиэм диэн эрэнэбин. Мас тардыһыытын тас дойдулартан кэлбит ыалдьыттарбытыгар үрдүк таһымнаахтык билиһиннэрэргэ бигэ эрэллээхпин. Уонна тус бэйэм атын норуоттар спортивнай көрүҥнэригэр күрэхтэһэн көрүөхпүн баҕарабын. Сүрүннээн улахан теннискэ холонон көрөр баҕа санаалаахпын.

Егор Протопопов, бэстибээл делегата, тутум эргииргэ Саха Өрөспүүбүлүкэтин рекордсмена:

— Аан дойдутааҕы ыччат бэстибээлигэр кыттар диэн улахан эппиэтинэс уонна киэн туттуу. Мас тардыһыытын ыалдьыттарбытыгар олус үчүгэйдик, киэҥник сырдатар, төрүт көрүҥмүтүн ааттатар соруктаахпыт. Бэстибээлгэ элбэх доҕоттордонуом, сайдыам диэн эрэллээхпин.

Николай Попов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0