Дьокуускай куорат тэрилтэлэригэр ыытыллыбыт «Мөлүйүөн сибэкки» куонкуруска бастакы миэстэни наркология өрөспүүбүлүкэтээҕи диспансера ылла.
edersaas.ru
Бу бырааһынньык күннэригэр Орджоникидзе болуоссатыгар куонкурус кыайыылаахтарыгар дипломнары уонна бириистэри үөрүүлээх быһыыга-майгыга туттардылар. Куонкуруска бастакы миэстэни ылбыт наркология өрөспүүбүлүкэтээҕи диспансерын Кангаласс б. реабилитационнай наркологическай киинин кэлэктиибигэр 30.000 суумалаах сертификаты туттардылар.
Куонкурус Дьокуускай куоракка Саҥаны айыы сылын чэрчитинэн ыытыллыбыта. Дьокуускай куорат уокуруктааҕы дьаһалтатын хамыыһыйата куонкуруска киллэриллибит эбийиэктэри барыларын көрөн баран, алта номинацияҕа уонна түөрт анал бириискэ кыайыылаахтары быһаарда.
Хамыыһыйа композициялар оҥоһуллууларын, үүнээйилэр араастарын, ландшафтнай дизайннар элеменнэрин туттууну, дьоҕус архитектуралары, сонун айыылары уо.д.а. учуоттаата.
Ольга ГОЛИКОВА, edersaas.ru сайтка анаан