close
Ньидьили күөлү ЯТЭК-ка атыылаабыттар диэн сымыйа
Олох-дьаһах

Ньидьили күөлү ЯТЭК-ка атыылаабыттар диэн сымыйа

Саха Өрөспүүбүлүкэтин Арктика дьыалаларыгар Государственнай кэмитиэтин бэрэссэдээтэлэ Прокопий Романович Николаев: 

«Бу боппуруос биһиги кэмитиэппит быһаарар салааларыгар киирэр. Ньидьили күөл ЯТЭК тэрилтэ бас билиитигэр бэриллибит диэн батсаап ситиминэн киэҥник тарҕаммыт сурах туос сымыйа буоларын иһитиннэрэбин. Ити быыбар иннигэр дьону албыннаан күөртүү, булкуйа сатааһын буолар. Бүгүҥҥү күҥҥэ Ньидьили күөл ханнык да улахан тэрилтэ балыктыырыгар сыһыарылла илик. Бэрээдэк быһыытынан балыктыан баҕалаах дьону кытта биир сылга болдьохтоох дуогабар түһэрсиллэр. Бүгүҥҥү күҥҥэ дуогабар быһыытынан Ньидьили күөлгэ балыктыырга Кэбээйи улууһун биэс хаһаайыстыбата көҥүллээхтэр. Олорунан «Кыталыктаах» ПК Артель, СПК «Чаран», ООО «Нидьили», ООО «Байхал», ООО «Кобяйская рыба» буолаллар».

Саха сирин ытыктабыллаах олохтоохторо! Маннык туос сымыйа сурахтарга итэҕэйбэккитигэр, албыҥҥа киирэн биэрбэккитигэр уонна итинник информацияны тарҕаппаккытыгар ыҥырабыт. 

#бүгүн: 1
5
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

двадцать − одиннадцать =

INSTAGRAM ЛИЭНТЭТЭ

Instagram батыһан бар