«Саха сирин киэн туттуута» норуот бириэмийэтин уочараттаах номинацията биллэрилиннэ. «Баҕа өттүнэн көмөлөһөөччү» («Доброволец») номинацияҕа сайаапкалары хомуйуу алтынньы 18 күнүттэн саҕаланна.
Сайаапкалары алтынньы 26 күнүгэр диэри gordost-yakutii@mail.ru электроннай аадырыска ылаллар. Сайаапкаҕа хайаан да хаартыска сыһыарыллар. Сайаапаканы суруйууга https://ysia.ru/wp-content/uploads/2018/10/zayavka-dlya-uchastiya-v-nominatsii-Dobrovolets.docx аадырыстан туһаныҥ.
Ону тэҥэ, Whatsapp нөҥүө бырайыак ааптарын кытта бу төлөпүөнүнэн 8-924-863-5481 сибээстэһиэххэ сөп. Бырайыак ааптара — СИА суруналыыһа Григорий ФОМЕНКО. Суруналыыс мунаарар боппуруостаргытыгар сиһилии быһаарыы биэриэҕэ.
Сайаапкаларынан киирбит хандьыдааттарга куоластааһын алтынньы 29 күнүттэн саҕаланыаҕа.
«Бастыҥ» номинация иһин куонкурус үлэ түмүгүн таһаарар, талааннары көрдүүр куоластааһын буолбатах. Бу аттыбытыгар үлэлии сылдьар, таптыыр идэлэригэр, интэриэстэригэр таба тайаммыт үлэттэн, таптыыр дьарыктарыттан дьоллонор дьону кэмигэр бэлиэтээн көрүү буолар. Кинилэргэ махтал тылларын саамай үлэлэрин, айар-тутар кэмнэрин үөһүгэр сырыттахтарына этэн үөрдүү.
«Саха сирин киэн туттуута» норуот бириэмийэтин «Баҕа өттүнэн көмөлөһөөччү» («Доброволец») номинациятыгар билэр дьоҥҥутун кытыннарыҥ эбэтэр бэйэҕит сайаапката түһэриниҥ.
«Саха сирин киэн туттуута» норуот бириэмийэтин генеральнай спонсора — «Көмүлүөк» саха иһитин оҥорор фирма.
Елена ПОТОЦКАЯ, «Саха сирэ» хаһыат, edersaas.ru