Бүгүн, алтынньы 29 күнүгэр, 13.30 чаастан «Саха сирин киэн туттуута» норуот бириэмийэтин «Баҕа өттүнэн көмөлөһөөччү» («Доброволец») номинацияҕа финалистары сүүмэрдиир куоластааһын саҕаланна.
edersaas.ru
Куоластааһын YSIA.RU саайтка, ону тэҥэ, Вконтакте, Instagram уонна Facebook социальнай ситимнэринэн ыытыллар. Финалистары быһаарар куоластааһын сэтинньи 2 күнүгэр түмүктэниэҕэ.
Куоластааһын түмүгүнэн 43 кыттааччыттан биэс киһи финалга тахсыаҕа. Кыайыылаах аата сэтинньи 9 күнүгэр биллиэҕэ. Боппуруостаах буоллаххытына, 89248635481 төлөпүөҥҥэ эрийэн, бырайыак ааптара Григорий Фоменкоттан ыйытыҥ.
«Бастыҥ» номинация иһин куонкурус үлэ түмүгүн таһаарар, талааннары көрдүүр куоластааһын буолбатах. Бу аттыбытыгар үлэлии сылдьар, таптыыр идэлэригэр, интэриэстэригэр таба тайаммыт, үлэттэн, таптыыр дьарыктарыттан дьоллонор дьону кэмигэр бэлиэтээн көрүү буолар. Кинилэргэ махтал тылларын саамай үлэлэрин, айар-тутар кэмнэрин үөһүгэр сырыттахтарына этэн үөрдүү.
«Саха сирин киэн туттуута» норуот бириэмийэтин генеральнай спонсора — «Көмүлүөк» саха иһитин оҥорор фирма.
Елена ПОТОЦКАЯ, «Саха сирэ» хаһыат, edersaas.ru