Норуоттар икки ардыларынааҕы интеллектуальнай оонньууларга 400 волонтер үлэлиэ
Волонтердары сүүмэрдээһин муус устар 18 күнүттэн саҕаламмытын туһунан СӨ Ыччат дьыалаларыгар уонна дьиэ кэргэн политикатыгар министиэристибэтин пресс-сулууспата иһитиннэрэр.
Сэҥээрбиттэр http://yisg.ru/apply/volunteering аадырыска киирэн билсиэххитин сөп. Норуоттар икки ардыларынааҕы интеллектуальнай оонньууга кыттааччылары уонна бочуоттаах ыалдьыттары волонтердар тэрээһин саҕаланыаҕыттан бүтүөр диэри арыаллыахтара.
Волонтердааһыҥҥа 16-рын туолбуттартан үөһэ саастаахтар ылыллаллар. Ол гынан баран, Оонньууга кыттааччылары уонна бочуоттаах ыалдьыттары арыаллааччы волонтердар 18 саастарын туолбут буолуохтаахтара ирдэнэр. Сүүмэрдээһини ааспыттар Оонньуулар иннилэринэ анал үөрэтиини барыахтара. Бастатан туран, омук тылын билэр буолуохтаахтар. Ону сэргэ, эрдэттэн Саха сирин устуоруйатын, үтүө дьулуур хамсааһынын төрүөтүн үөрэтиэхтэрэ, билиэхтэрэ, толерантноска тренинг ыытыллыа, хамаандаҕа үлэлииргэ үөрэниэхтэрэ.
Санатан эттэххэ, быйыл от ыйын 8-15 күннэригэр Дьокуускайга уонна Чапаево с. норуоттар икки ардыларынааҕы I интеллектуальнай оонньуулар ыытыллаллар.
edersaas.ru