«Нова-С» ХЭУо дьонтон харчы хомуйарын тохтотуохтарын сөп

Бөлөххө киир:

СӨ Архитектуратын уонна тутуу комплексын министиэристибэтин чахчытынан, өрөспүүбүлүкэҕэ  тутуута кыаллыбатах 18 эбийиэк баар. Бу дьиэлэргэ кыттыгас тутуу дуогабарын түһэрсэн, харчыларын укпут 268 киһи албыннаппыттар реестрдэригэр киллэриллибит.

Анивера Акимова, «Саха сирэ» хаһыат, https://edersaas.ru/

Хомойуох иһин, кэлиҥҥи сылларга «кутуруктаммыт» тутуулар элбээн иһэллэр. Холобур, Дьокуускай куоракка Тургенев уулуссатыгар тутулла турар дьиэ үлэҕэ киириитэ 2014 сылтан көһөрүллэр. Бу дьиэни «Нова-С» тэрилтэ тутар. Бу күннэргэ Тутуу министиэристибэтин юриһа Муза Винокурова, Тутууну уонна дьиэни-уоту кэтээн көрүүгэ судаарыстыбаннай управление кыттыгас тутууну хонтуруоллааһын уонна кэтээн көрүү салаатын салайааччыта Намина Дураева уонна Дьокуускай куорат борокуратууратын бэрэстэбиитэлэ кыттыгас тутуу дуогабарын түһэрсибиттэри кытары көрүстүлэр.

Бүгүҥҥү туругунан. эбийиэк үрдүк бэлэмнээх турар. Уу ситимин, канализацияны тардыы уонна дьиэ тас өттүн оҥоруу үлэлэрэ хаалбыт. Инньэ гынан, албыннаппыттар реестрдэригэр Тургенев уулуссатыгар тутулла турар дьиэттэн кыбартыыраны атыыласпыт дьон киллэриллибэтэхтэр.  Ол эрээри бу дьиэ 2014 сылтан үлэҕэ киллэриллэ илик.

[vc_text_separator title=»» i_icon_fontawesome=»fa fa-quote-left» color=»pink» add_icon=»true»]«Нова-С» ХЭУо официальнай сайтыгар киирэн көрдөххө, тэрилтэ 2001 сыллаахха регистрацияламмыт. Дьокуускайга олорор дьиэни тутуунан дьарыктанарын таһынан, Краснодарскай кыраай куораттарыгар эмиэ үлэлиир.

[vc_text_separator title=»» i_icon_fontawesome=»fa fa-quote-right» color=»pink» add_icon=»true»]Намина Дураева иһитиннэрбитинэн, дьиэни атыыласпыт дьон сайабылыанньаларынан билигин бэрэбиэркэ ыытыллан эрэр. Тутуу тэрилтэтэ Москваҕа регистрациялаах буолан, үбүн-харчытын туругун туһунан туох да докумуону ыыта иликтэр. Билигин тэрилтэ өссө 5-с №-дээх олорор дьиэни тутаары, дьонтон харчы хомуйар былааннаах эбит. Онон ону тохтотор туһунан быһаарыныы ылынаары сылдьаллар. Оччотугар албыннаппыт дьон ахсаана элбиэ суох этэ.

Анивера Акимова, «Саха сирэ» хаһыат, https://edersaas.ru/

+1
0
+1
0
+1
0
+1
0
+1
0
+1
0
+1
0