Бүгүн Ил Түмэн уочараттаах XXXIV пленарнай мунньаҕынан бигэргэтиллэн, 2005-2008 сс. парламент спикерынан үлэлээбит, СӨ норуотун хаһаайыстыбатын үтүөлээх үлэһитэ, алмаас эйгэтигэр суолун-ииһин хаалларбыт Ньургун Тимофеев аатынан анал стипендия олохтонно. edersaas.ru
Бу саҥа стипендия техническэй үрдүк үөрэхтэргэ үөрэнэ сылдьар устудьуоннарга, аспираннарга хас сылын аайы туттарыллыаҕа. Бу наҕараада техническэй идэни көҕүлүүр, сайыннарар туһуттан олохтонно.
Ыспыраапка: Тимофеев Ньургун Семенович – Ил Түмэн үһүс, төрдүс ыҥырыылаах мунньаҕын дьокутаата. 2005-2008 сс. парламент бэрэссэдээтэлэ. СӨ норуотун хаһаайыстыбатын үтүөлээх үлэһитэ, Нам, Өлөөн улуустарын Бочуоттаах гражданина. “Российский национальный Олимп” Бүтүн Россиятааҕы уопсастыбаннай бириэмийэ лауреата, 2006-2007 сс. бастыҥ лидер номинация хаһаайына. Кини 1963 с. олунньу 7 күнүгэр Дьокуускайга төрөөбүтэ. Саха судаарыстыбаннай университетын, Томскайдааҕы политехническжй институту, Норут хаһаайыстыбатын академиятын үөрэнэн бүтэрбитэ. 90-с сылларга “Туймаада Даймоҥҥа”, “Саха Даймоҥҥа”, “АЛРОСА” АХ үлэлээбитэ. 2000 сылларга дьокутаатынан үлэлээн баран, 2012 с. СӨ президенин сүбэһитинэн олорбута, Алмаас сэбиэтин бэрэссэдээтэлинэн үлэлээбитэ. 2017 с. ахсынньыга өлбүтэ.
Аграфена КУЗЬМИНА, “Саха сирэ” хаһыат, edersaas.ru