“Ньыгыллар” Акулина Стручкова кандидатуратын киллэрдилэр

Ааптар: 
Бөлөххө киир:

Бүгүн, кулун тутар 7 күнүгэр, “Биир ньыгыл Арассыыйа” баартыйа Саха сиринээҕи регионнааҕы салаатын полит-сэбиэтин мунньаҕар Саха Өрөспүүбүлүкэтин Судаарыстыбаннай Мунньаҕын (Ил Түмэн) дьокутаатын иллэҥ миэстэтигэр кандидатураны аныыр туһунан боппуруоһу дьүүллэстилэр.

Роман Попов, “Саха сирэ” хаһыат, https://edersaas.ru

Былырыын Саха Өрөспүүбүлүкэтин бэһис ыҥырыылаах Судаарыстыбаннай Мунньаҕын (Ил Түмэн) дьокутаата Ю.П.Михайлов боломуочуйатын болдьоҕун иннинэ устуммута. Онон, “Саха Өрөспүүбүлүкэтигэр норуот дьокутааттарын быыбардааһын туһунан” Саха Өрөспүүбүлүкэтин Сокуонун 90 ыстатыйатын 2 пуунугар итиэннэ “Биир ньыгыл Арассыыйа” Бүттүүн Арассыыйатааҕы политическай баартыйа Устаабын 13.8.11.6 пуунугар олоҕуран, регионнааҕы бэлитсэбиэт Саха Өрөспүүбүлүкэтин Быыбарга киин хамыыһыйатыгар бэйэтин этиитин киллэриэхтээҕэ.

Дьүүллэһии кэнниттэн бэлитсэбиэт Саха Өрөспүүбүлүкэтин Быыбарга киин хамыыһыйатыгар Ил Түмэн дьокутаатын иллэҥ миэстэтигэр Стручкова Акулина Трофимовна кандидатуратын киллэрэргэ быһаарда.

Стручкова Акулина Трофимовна баартыйа бэлиитикэтин өйүүр. Бэйэни салайыныы бэрэстэбиитэллээх уорганнарыгар үлэлээбит, араас таһымнаах быыбардарга кыттыбыт уопуттаах. Кини 2013 сыллаахха бэһис ыҥырыылаах Ил Түмэн дьокутаатыгар хандьыдааты быһаарыыга “Биир ньыгыл Арассыыйа” баартыйа ыыппыт барыллаан куоластааһыныныгар кыттыбыта. Ол түмүгүнэн Ил Түмэн дьокутаатытыгар Кэбээйи-Дьааҥы регионнааҕы бөлөхтөн баартыйа испииһэгиттэн хандьыдаатынан регистрацияламмыта.

Ил Түмэн дьокутаатын иллэҥ миэстэтигэр Стручкова Акулина Трофимовна кандидатурата “Биир ньыгыл Арассыыйа” Бүттүүн Арассыыйатааҕы политическай баартыйа генеральнай сэбиэтигэр сөбүлэһиннэриигэ ыытылынна.

Роман Попов, “Саха сирэ” хаһыат, https://edersaas.ru

Ыспыраапка

Стручкова Акулина Трофимовна

1969 сыллаахха Саха АССР Дьааҥы оройуонун Томтор сэлиэнньэтигэр төрөөбүтэ.

Идэтинэн – филолог.

1989 -1991 сс. – Өлүөхүмэтээҕи сибээс узелын электромеханига.

1991-1993 сс. – Боронуктааҕы оҕо комбинатыгар ньээҥкэлээбитэ.

1993-1996 сс. – Бүлүүтээҕи педколледжка үөрэммитэ.

1996-1999 сс. – орто оскуолатыгар саха тылын, литэрэтиирэтин учуутала.

1999 сыллаахха М.Аммосов аатынан Саха госуниверситетын үөрэнэн бүтэрбитэ.

1999 сылтан – Боронук орто оскуолатын дириэктэрин солбуйааччы.

+1
0
+1
0
+1
0
+1
0
+1
0
+1
0
+1
0