Бытарҕан тымныылар түһэр кэмнэрэ кэллэ. Ону кытта төрөппүттэр оҕолорбут хас кыраадыска үөрэммэт этилэрий? www.edersaas.ru
Дьокуускай куорат үөрэххэ управлениетын бирикээһигэр олоҕуран, куорат эргин оскуолаларга бачча кыраадыска оҕолор үөрэммэттэр:
1-5 кылаас оҕолоро -45 кыраадыстан түстэҕинэ
1-8 кылаас оҕолоро -48 кыраадыстан түстэҕинэ
1-11 кылаас оҕолоро -50 кыраадыстан түстэҕинэ
Маныаха халлаан туругун “этэрбэс араадьыйата” тугу кэпсииринэн буолбакка, сарсыарда 7 чаастан саҕалаан “Саха 24” уонна “Саха” НКИХ телеканалллар, араадьыйа FM 107.1 долгунун нөҥүө билиэххэ сөп. Кинилэр бигэргэтиллибит иһитиннэриини гидрометеорология уонна тулалыыр эйгэни кэтээн көрөр Саха сиринээҕи управление http://ykuthydromet.ru/ сарсыарда 6 чаастааҕы туругунан кэпсииллэр.
Учууталлар: «Мин дьиэм кыраадыһа, телефонум оччо тымныыны, бачча тымныыны көрдөрөр этэ, Ватсапка инньэ диэбиттэрэ» эҥин диэни ылымматтар. Онон сарсыарда 7 чааска тэлэбиисэргитин, араадьыйаҕытын холбуургутун умнумаҥ.
Людмила ПОПОВА.
Хаартыскалар интэриниэт ситимиттэн ылылыннылар.