СӨ Ыччат дьыалаларыгар уонна дьиэ кэргэн политикатыгар министиэристибэтэ уонна Оҕону иитэр дьиэ кэргэттэр ассоциациялара «Эппиэтинэстээх төрөппүт-2017» өрөспүүбүлүкэтээҕи куонкуруһу тэрийэн ыыталлар.
Куонкурус оҕону иитэр дьиэ кэргэттэргэ анаан ыытыллар өрөспүүбүлүкэтээҕи «Семья – наш теплый дом» V форум чэрчитинэн, Дьокуускайга атырдьах ыйын 18 күнүгэр ыытыллар. Күөн күрэс төрөппүт эппиэтинэһин үрдэтэр, тулаайах уонна көрүүтэ-истиитэ суох хаалбыт оҕолору иитэ ылбыт дьиэ кэргэттэр үөрүйэхтэрин атастаһыннарар сыаллаах-соруктаах тэриллэр. Куонкурустаһааччылар дьиэ кэргэҥҥэ оҕо билиитин-көрүүтүн, айар дьоҕурун, эт-хаан өттүнэн сайдыытыгар үлэлэрэ, үстэн элбэх оҕону иитэр дьиэ кэргэни сатабыллаахтык салайар ньымалара, үлэни уонна сынньалаҥы сатаан дьүөрэлээһиннэрэ, о.д.а. бастыҥ үөрүйэхтэрэ сыаналаныа диэн этэллэр СӨ Ыччат дьыалаларыгар уонна дьиэ кэргэн политикатыгар министиэристибэтин үлэһиттэрэ.
Хаартыскаҕа: М.П. уонна П.И.Корниловтар дьиэ кэргэн. Былырыыҥҥы куонкурус кыайыылаахтара.
+1
+1
+1
+1
+1
+1
+1