Оҕолорго бырааһынньыкта бэлэхтиэҕиҥ

Бөлөххө киир:

Алтынньы 28 күнүгэр  «Эрдэҕэс оҕо киинэ» муниципальнай бүддьүөт эбии үөрэхтээһин тэрилтэтин иһинэн киирэр «Одун» норуодунай ансаамбыл улахан, иллээх кэлэктиибэ уонна «Кэнчээри» элбэх оҕолоох дьиэ кэргэттэр кулууптара «Оҕолорго бырааһынньыгы бииргэ бэлэхтиибит» аһымал дьаарбаҥканы ыыталлар.

edersaas.ru

Дьаарбаҥка сүрүн соругунан оҕолор дьоҕурдарын уонна талааннарын дьоҥҥо-сэргэҕэ көрдөрө таһааралларыгар көмөлөһөргө куорат олохтоохторун көҕүлээһин буолар.

Аһымал дьаарбаҥкаҕа хомуллубут үп «Одун» норуодунай кэлэктиип  отчуоттуур кэнсиэрин тэрээһинигэр бэриллиэҕэ. Ансаамбылга 500-чэ оҕо дьарыктанар.

Дьаарбаҥка алтынньы 28 күнүгэр 11-15 ч. диэри Жорницкай уулуссатын 33/1 (Тутуу ырыынагар), 1 этээһигэр баар быыстапка саалатыгар ыытыллыаҕа.

Кэлбит ыалдьыттар мантан оҕуруот аһыттан оҥоһуллубут араас аһылыгы, бурдук, килиэп-буулка аһылыктары, сувенирдары, киэргэллэри, оонньуурдары атыылаһыахтара. Маны барытын Дьокуускай куорат элбэх оҕолоох дьиэ кэргэттэрин оҕолоро оҥордулар.

Аһымал тэрээһиҥҥэ оҕолор, кинилэр төрөппүттэрин уонна учууталлар кыттыылаах кэнсиэр, куонкурустар, оонньуулар настарыанньаны көтөҕүөхтэрэ. Оҕолорго бырааһынньыгы бары бииргэ бэлэхтиэҕиҥ!

8-914-233-12-73 төлөпүөҥҥэ эрийэн, сиһилии билсиҥ.

Надежда ЕГОРОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0