Ойуунускайга аналлаах «төгүрүк остуолга» ыҥыраллар

Бөлөххө киир:

Сэтинньи 16 күнүгэр Саха сирин Суруйааччыларын сойууһа Култуура уонна духуобунай сайдыы министиэристибэтин кытары “Ойуунускай нэһилиэстибэтэ уонна билиҥҥи кэм” диэн «төгүрүк остуол» ыытыаҕа.

edersaas.ru

«Төгүрүк остуолу» Саха сирин Суруйааччыларын сойууһун бэрэссэдээтэлэ, норуодунай поэт Наталья Харлампьева иилээн-саҕалаан ыытыаҕа. Норуодунай суруйааччы, прозаик Сэмэн Тумат Ойуунускай саҕалаабыт эпопеята хаһан түмүктэммитин, драматург Василий Харысхал саха интэлигиэнсийэтин көмүскээһиҥҥэ Платон Алексеевич оруолун, прозаик Елена Слепцова-Куорсуннаах Ойуунускай айымньыларыгар итэҕэл көстүүтүн, тылбаасчыт Аита Шапошникова айымньылар тылбаастаммыт историяларын, литературовед Мария Кириллина драматургия, поэт Рустам Каженкин Ойуунускайы оскуолаҕа үөрэтии тустарынан дакылаат оҥоруохтара. Поэт Гаврил Андросов Ойуунускайы духуобунай уонна национальнай лидер быһыытынан арыйыаҕа, ырыаһыт, музыкант Виталий Власов Ойуунускай уонна музыка туһунан санаатын этиэҕэ, прозаик Павел Харитонов-Ойуку Ойуунускай Ксенофонтовтары кытары сыһыанын ырытыаҕа.
«Төгүрүк остуол» кэмигэр Г.П.Башарин аатынан Саха сирин академическай наукатын историятын музейын сэбиэдиссэйэ Илья Васильев Платон Алексеевич тыыннааҕар уһуллан видеоҕа үйэтитиллэн хаалбыт каадырдарын аҕалан көрдөрүөҕэ. «Төгүрүк остуол» кэпсэтиитин ким баҕалаах кэлэн истиэн сөп. Буолар сирэ: Бэчээт дьиэтэ, 2-с этээс, сарсыарда  10 чаастан.

Аграфена КУЗЬМИНА, “Саха сирэ” хаһыат.

+1
0
+1
0
+1
0
+1
0
+1
0
+1
0
+1
0