АХШ сүүмэрдэммит хамаандата эһиил олунньу 9-25 күннэригэр Соҕуруу Кореяҕа буолар кыһыҥҥы Олимпийскай оонньууларга кыттымыан сөп. Бу туһунан Үрүҥ дьиэ бэрэстэбиитэлэ Сара Сандерс иһитиннэрдэ. Кини бу боппуруос көрүллэ сылдьарын, бүтэһиктээх быһаарыы ылынылла илигин эттэ.
Ол сүрүн төрүөтүнэн Хотугу Кореяны кытта сыһыан хаһааҥҥытааҕар даҕаны тыҥаан турарынан, АХШ спортсменнарын олохторугар куттал суоһуон сөбүн кытта сибээстээх. Олимпиада ыытыллар Пхенчхан куоратыттан Хотугу Корея кыраныыссатыгар диэри 80 биэрэстэ.
Бу иннинэ Франция, Австрия, Германия спордун чунуобунньуктара КНДР ядернай ракетнай бырагырааматын сайыннарыытыттан региоҥҥа балаһыанньа тыҥаабытыттан дьиксинэллэрин биллэрбиттэрэ.
Роман ПОПОВ, “Саха сирэ” хаһыат, edersaas.ru
+1
+1
+1
+1
+1
+1
+1