close
Олимпийскай чөмпүйүөн Павел Пинигин: Ньургуҥҥа эрэнэбин!...
Дьулуур - Олох-дьаһах

Олимпийскай чөмпүйүөн Павел Пинигин: Ньургуҥҥа эрэнэбин!

Бэҕэһээ “Триумф” Спорт киинигэр буолбут Европа чөмпүйэнээтин боруонса призера Владислав Андреев пресс-кэмпириэнсийэтигэр олимпийскай чөмпүйүөн, Ил Түмэн дьокутаата Павел Пинигии кыттыыны ылан, алгыс баһын сыалаата.


Кэпсэтиигэ кыттан Павел Пинигин бу улахан түһүлгэҕэ эмиэ Белоруссия аатыттан тустубут биир дойдулаахпыт Ньургун Скрябин хапсыһыыларын туһунан санаатын үллэһиннэ:

Европа чөмпүйэнээтигэр Ньургун бэйэтин кыаҕын толору туһаммата диэн көрдүм. Күрэхтэһии кэнниттэн кинини кытта кэпсэтэн баран, бэйэтин хапсыһыыга сатаан туһулаабат эбит диэн санааҕа кэллим. Тиэхиньикэ баар, туруоруллубут албастара бааллар, сымса, сылбырҕа тустуук. Ол гынан баран, нууччалыы эттэххэ, импровизацията суох. Утарылаһааччытын соһутан, көбүөргэ үөскээбит балаһыанньаны таба туһанан саҥаттан саҥа албастары оҥорон тустары сатыы илик. Ону атыннык өссө маастарыстыба диэххэ сөбө буолуо. Итини өйдүөн, үлэлиэн, маастарыстыбатын салгыы чочуйуон наада.

Сорохтор кинини уйулҕата үктэтэр дииллэр. Ону мин ылыммаппын. Ньургун эр санаалаах, дьиҥнээх байыас. Мин Ньургуҥҥа эрэнэбин. Кини улахан кыайыылара өссө иннигэр.

Санатар буоллахха, Ньургун Скрябин 61 киилэҕэ диэри ыйааһыҥҥа Реджеп Топалы кытта эмиэ үһүс миэстэ иһин быһаарыылаах хапсыһыылара 6:6 ахсаанынан түмүктэммитэ. Манна судьуйалар кыайыыны хаачыстыбанан Турция бөҕөһүгэр биэрбиттэрэ. Бу иннинэ Мэҥэ бөҕөһө Македония тустууга Эймедин Сейфуловы хотон баран (13:2), иккис эргииргэ Европа чөмпүйүөнүгэр, аан дойду призеругар Гаджимурад Рашидовка (Арассыыйа) 1:10 ахсаанынан сабырыйтарбыта. Салгыы эрэхтээх хапсыһыыга Украинаттан сылдьар утарылаһааччытын Владимир Буруковы ыраастык кыайан үһүс миэстэ иһин киирсэр быраабы ылбыта.

Роман ПОПОВ, “Саха сирэ” хаһыат

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

двенадцать − один =