close
Ыччат бэстибээлигэр омуктар олоҥхону биһирээтилэр...
Олох-дьаһах - Ыччат бэстибээлэ

Ыччат бэстибээлигэр омуктар олоҥхону биһирээтилэр

Бу күннэргэ Сочи куоракка буола турар XIX аан дойдутааҕы ыччат бэстибээлигэр Юрий Борисов Саха сирин эдэр олоҥхоһуттарын билиһиннэрдэ. edersaas.ru

Юрий Хотугулуу-Илиҥҥи федеральнай университет иһинэн тэриллибит Олоҥхону чинчийэр институт научнай үлэһитэ, маны таһынан, “Ыччат олоҥхоһут” түмсүү бэрэссэдээтэлэ буолар. Кини 2015 сыллаахха Чурапчыга ыытыллыбыт Олоҥхо ыһыаҕын олоҥхо күрэҕэр кыайан, үгүс дьон биһирэбилин ылбыта. Юрий бэстибээлгэ “Ыччат олоҥхоһут” өрөспүүбүлүкэтээҕи уопсастыбаннай түмсүү үлэтэ” диэн бырайыагы билиһиннэрэр:

— Бу бырайыакка коммерческайа суох уопсастыбаннай тэриллии тиһиктээх үлэтэ сырдатыллар. Ол эбэтэр, биһиги өрөспүүбүлүкэбитигэр ыччат олоҥхоҕо сыстан, олоҥхону толорорго холонон көрөн, кыраттан саҕалаан идэтийбит олоҥхоһут буола улаатарыгар анаан үлэлиибит. Норуоппут сүдү баайа — олоҥхо сайдарыгар үлэлэһэр, өйдүүр ыччат элбиирин ситиһэр сүрүн сыаллаах үлэлиибит. Билигин түмсүүбүтүгэр Саха сирин араас муннугуттан 68 эдэр киһи баар. 

Маныаха, Юрий салалтатынан үлэлиир түмсүү сыалын ситиһээри. үс улахан өрөспүүбүлүкэтээҕи тэрээһини ыытар. «Ыччат олоҥхотун олоҕурбут ньыманан истии» – балаҕаҥҥа ыччаты мунньан эдэр олоҥхоһут толоруутун истэллэр. Аны өрсөпүүбүлүкэ араас муннугуттан чаҕылхай толоруулаах эдэр олоҥхоһуттары түмэн, “Саха” НКИХ-га күөх экраҥҥа уонна араадьыйаҕа “Эфиргэ ыччат олоҥхолуур» биэриинэн тахсаллар. Аны сыллата ыытыллар Ыччат ыһыаҕар «Ыччат ыһыаҕын олоҥхото» күрэхтэһиини тэрийэллэр. Кырдьык, Юрий салалтатынан киэҥ далааһыннаах үлэ бара турар.

Ыччат бэстибээлин чэрчитинэн мас тардыһыы былаһаакката үлэлээтэ. Манна мустубут омук ыччатыгар Юрий олоҥхолоон иһитиннэрбитин үгүстэр биһирээтилэр. Эдэр олоҥхоһукка ситиһиилэри баҕарабыт!

Айтана Аммосова, edersaas.ru

4
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

восемнадцать − два =

INSTAGRAM ЛИЭНТЭТЭ

Instagram батыһан бар